Izraıldiń áýe shabýylynan hýsıtter úkimetiniń basshysy qaıtys boldy
ASTANA.KAZINFORM - Iemendik hýsıtter úkimeti basshysynyń kózi joıylǵany týraly aqparat Izraıldiń Iemen astanasyna jasaǵan áýe shabýyldarynan keıin paıda boldy, dep habarlaıdy Kazinform agenttiginiń menshikti tilshisi.
Iemendik «Ál-Djýmhýrııa» jáne «Aden Al-Ghad» basylymdarynyń habarlaýynsha, «Ansar Allah» tobynyń premer-mınıstri Ahmed ál-Rahaýı beısenbi kúni Sanadaǵy turǵyn úıge jasalǵan shabýylda qaza tapty. Derekkózder onymen birge onyń birneshe seriktesi de óltirilgenin aıtady. Izraıl bul aqparatty resmı túrde rastaǵan joq.
عاجل: مقتل رئيس حكومة الحوثيين أحمد غالب الرهوي بغارة جوية إسرائيلية في صنعاءhttps://t.co/aENutGUlBS
— صحيفة عدن الغد (@adenalghad) August 28, 2025
قناتنا على تليجرام https://t.co/WIXUIrx5y2 pic.twitter.com/rBLfZOAszr
Izraıldik BAQ-tyń habarlaýynsha, jetekshi Abdýl-Malık ál-Hýsıdiń úndeýin tyńdaýǵa daıyndalyp jatqan qozǵalystyń on shaqty joǵary shendi mınıstri jınalǵan jerge jeke áýe shabýyly jasalǵan.
Nysandardyń arasynda Iranmen jáne Lıvannyń «Hezbolla» qozǵalysymen negizgi áskerı baılanysy sanalatyn Qorǵanys mınıstri Muhammed Naser ál-Attafı men Bas shtab basshysy Mohammed ál-Gammarı boldy.
- Biz Iemendegi hýsıtterge eskerttik: shabýyldan keıin alǵashqylardy qyramyz. Izraılge qarsy qol kótergen kez kelgen adamnyń kózi qurtylady, - dedi Izraıl qorǵanys mınıstri Israel Kats operatsııanyń premer-mınıstr Bınıamın Netanıahý men Bas shtab basshysy Eıal Zamırmen kelisilgenin aıtyp.
Houthi Minister of Defense, Major General Mohamed al-Atifi, and Chief of General Staff, Major General Muhammad Abd al-Karim al-Ghamari, are both believed to have been killed in today’s wave of airstrikes by the Israeli Air Force against the Yemeni capital of Sana’a in… pic.twitter.com/dUVwBu4WIB
— OSINTdefender (@sentdefender) August 29, 2025
2023 jyldyń qarasha aıynan bastap Iemen toby Izraılge turaqty túrde ballıstıkalyq zymyran, dron jáne qanatty zymyran ushyryp, Gaza sektoryndaǵy palestınalyqtarmen yntymaqtasa otyryp, Qyzyl teńizdegi kemelerge de shabýyl jasady.
Buǵan jaýap retinde Izraıl hýsıtterdiń pozıtsııalaryna birneshe ret soqqy berdi.
Óz kezeginde hýsıtter Izraıldiń Iemenge jasaǵan shabýyldary Ansar Allanyń palestınalyqtardy qoldaý maqsatyndaǵy áskerı operatsııalaryn toqtatpaıtynyn málimdedi.
Baqylaýshylardyń pikirinshe, bul jolǵy shabýyl burynǵylardan bólek, óıtkeni soqqy alǵash ret ınfraqurylymǵa ǵana emes, toptyń naqty jetekshilerine de baǵyttalǵan.
Aıta keteıik, Izraıldiń Gaza sektoryna jasaǵan shabýylynan qaza tapqandar sany 62 895 adamǵa jetti.