Izraıldiń áreketi álemdi alańdatty, alaıda NATO beıqam

ASTANA. KAZINFORM — NATO Izraıldiń Iranǵa jasaǵan soqqysynan keıin álem ıadrolyq soǵysqa taıap qaldy dep sanamaıdy. Bul týraly NATO Bas hatshysy Mark Rıýtte Stokgolmde ótken baspasóz konferentsııasynda málimdedi. Ol bul qalaǵa Bılderberg klýbynyń kezdesýi aıasynda kelgen bolatyn, dep jazdy TASS.

— Joq, joq, biz ondaı jaǵdaıda emespiz. NATO-ǵa múshe barlyq elder deeskalatsııa úshin jumys istep jatyr. Bul — Izraıl tarapynan jasalǵan birjaqty áreket. NATO odaqtastary, ásirese AQSh, jaǵdaıdy báseńdetýge kómektesýi kerek — men olardyń bul baǵytta jumys istep jatqanyn bilemin, — dedi Rıýtte Izraıldiń Iranǵa jasaǵan soqqysynan keıin ıadrolyq soǵys qaýpi artty ma degen suraqqa jaýap bere otyryp.

Sondaı-aq, Rıýtte bul jaǵdaıdyń óte jyldam damyp jatqanyn jáne aldaǵy 24–48 saǵat ishinde ne bolatynyn boljaý qıyn ekenin moıyndady.

Eske sala keteıik, Izraıl Iranǵa soqqy berip, áýe keńistigin jaýyp tastady.

Osy jaǵdaıǵa baılanysty Tel-Avıvtegi QR elshiligi Izraıldegi Qazaqstan azamattaryna úndeý jasady.

Air Astana toby Iran men Irak áýe keńistiginiń jabylýyna baılanysty keıbir Air Astana jáne FlyArystan turaqty jáne charterlik reısteriniń baǵytyndaǵy ózgerister týraly jolaýshylardy habardar etti.

Izraıldiń Iranǵa jasaǵan soqqysynan keıin munaı baǵasy kúrt kóterildi.

Búgin Iran Izraılge jaýap retinde 100-den astam dron jiberdi.

Al AQSh Memlekettik hatshysy Rýbıo Izraıldiń Iranǵa jasaǵan soqqylaryna AQSh-tyń esh qatysy joq ekenin aıtty.