Izraıldiń AQSh-taǵy elshisiniń uly terakt saldarynan aýyr jaraqat aldy
ASTANA. KAZINFORM — Batys jaǵalaýdaǵy jaǵdaı shıelenisken kúıde qalyp otyr, shabýyldar men Izraıl áskerı operatsııalary tolastar emes, dep habarlaıdy Kazinform agenttiginiń menshikti tilshisi.
Izraıldiń AQSh-taǵy elshisi Iehıel Leıterdiń uly, Izraıl armııasynyń rezervinde turǵan Nerııa Leıter sársenbi kúni Batys jaǵalaýdaǵy baqylaý-ótkizý beketinde bolǵan kólik teraktisi saldarynan aýyr jaraqat aldy, dep habarlady The Times of Israel áskerı jáne polıtsııa qyzmetkerlerine silteme jasaı otyryp.
Izraıl tarapynyń málimetinshe, Ierýsalım men Tel-Avıvti baılanystyratyn 443-shi tas jol mańyndaǵy baqylaý-ótkizý beketinde palestınalyq júrgizýshi kóligin polıtsııa kóligine qaraı burǵan. Kólik soqtyǵysynan polıtsııa qyzmetkerimen birge kezekshilik atqaryp turǵan Leıter jaraqat alǵan.
🇵🇸 Israeli forces shot dead a 29-year-old Palestinian, Mahmoud Mohammad Mahmoud Suleiman, at a checkpoint near the illegal settlement of Beit Horon west of Ramallah, West Bank, on Wednesday, after what Israeli police described as a car-ramming that critically wounded a reservist.… pic.twitter.com/8wY0XYtmED
— Drop Site (@DropSiteNews) September 23, 2026
🔴 Neriah Leiter, son of Israel’s US envoy Yechiel Leiter, named as reservist seriously injured in earlier ramming near Modi’in pic.twitter.com/EJ9MHLNiI2
— i24NEWS English (@i24NEWS_EN) September 23, 2026
Áskerıler júrgizýshi qashýǵa tyrysqan kezde atyp óltirgen. Palestına Densaýlyq saqtaý mınıstrliginiń dereginshe, onyń aty Mahmud Súleımen bolǵan. Izraıl qaýipsizdik qyzmetkerleri 29 jastaǵy er adamnyń jaqyn mańdaǵy Beıt-Ýr-át-Tahta aýylynda turǵanyn habarlady.
Es-tússiz jatqan Nerııa Leıter Ierýsalımdegi «Shaareı-Tsedek» medıtsınalyq ortalyǵyna jetkizilgen. Dárigerler birneshe saǵat boıy onyń mıyna jedel ota jasaǵan. Travmatologııa bóliminiń meńgerýshisi Alon Shvarts naýqastyń jaǵdaıy turaqtanǵanyn, biraq aýyr kúıinde qalyp otyrǵanyn jáne ómirine áli de qaýip tónip turǵanyn habarlady. Ol basynan qatty jaraqat alǵan.
— Medıtsına mamandary qazir ulymnyń ómiri úshin kúresip jatyr… Nerııa ǵajaıypqa muqtaj, — dep jazdy elshi Iehıel Leıter áleýmettik jelide.
I am grateful to the IDF, to the medical team at Shaare Zedek who are now fighting to save the life of Neria Dov ben Chana, and for the prayers of the people of Israel.
— Ambassador Yechiel (Michael) Leiter (@yechielleiter) September 23, 2026
I believe in the power of prayer, and I believe that when the people of Israel unite, miracles happen. Neria…
Nerııanyń aǵasy, rezervtegi Moshe Iedıdıa 2023 jyldyń qarashasynda Gaza sektorynyń soltústigindegi shaıqas kezinde qaza tapqan bolatyn.
Izraıl premer-mınıstri Bınıamın Netanıahý BUU Bas Assambleıasyna qatysý úshin Nıý-Iorkke ushar aldynda aýrýhanadaǵy Leıter otbasyna bardy.
Birneshe kún buryn Ramalla qalasynyń soltústik-batysynda ornalasqan, Neve-Tsýf nemese Halamısh dep te atalatyn Izraıl eldi mekeni mańynda da terakt bolǵan edi.
