Izraıldikterdi Amsterdamnan evakýatsııalaý: Izraıl armııasy shara qoldana bastady
ASTANA.KAZINFORM - Izraıl qorǵanys kúshteri Gollandııa astanasynda «Makkabı Tel-Avıv» fýtbol klýbynyń jankúıerlerine qastandyq jasalǵannan keıin Amsterdamǵa «dereý qutqarý mıssııasyn jiberýge» daıyndalyp jatqanyn málimdedi.
TsAHAL málimdemesine sáıkes, mıssııaǵa qutqarý jáne medıtsınalyq toptar qatysady jáne ony tyl qolbasshylyǵy basqarady. Premer-mınıstr Bınıamın Netanıahý keńsesi premer-mınıstrdiń ızraıldikterdi qaıtarý úshin Amsterdamǵa eki ushaq jiberýdi suraǵanyn habarlady.
Netanıahý Nıderland premer-mınıstri Dık Shoof pen jergilikti quqyq qorǵaý organdaryn «búlikshilerge qarsy batyl ári jyldam áreket etýge jáne azamattardyń ál-aýqatyn qamtamasyz etýge» shaqyrdy.
Tel-Avıvtik «Makkabıdiń» jankúıerleri Izraıl fýtbol komandasy jergilikti «Aıaks» fýtbol klýbynan jeńilgennen keıin Amsterdan kóshelerinde shabýyldar jasalǵanyn habarlady. Gollandııa qalasynda túsirilgen vıdeoda betperde kıgen shabýyldaýshylardyń qatygez áreketteri kórsetilgen. Olardyń keıbiri Palestına týyn kóterip, «Palestınaǵa bostandyq» dep urandaǵan.
Birneshe ızraıldik jaraqat aldy, biraq áli naqty málimetter joq. Izraıldik BAQ-tyń habarlaýynsha, shabýyl jasaǵandar keıbir ızraıldikterdiń tólqujattaryn urlaǵan.
Some horrifying "just anti-Zionism" in Amsterdam tonight as Israeli soccer fans are lynched by huge pro-Palestine mobs. Where are the police?! pic.twitter.com/HMwQgCwJMi
— Eitan Fischberger (@EFischberger) November 8, 2024
Izraıldiń áreketi
Nıderland bıliginiń aqparatyna silteme jasaǵan Izraıl Syrtqy ister mınıstrligi Amsterdamda Tel-Avıvtik «Makkabı» jankúıerlerine jasalǵan shabýyl saldarynan 10 ızraıldik jaraqat alǵanyn habarlady.
Vedomstvo málimdemesinde jaraqat aýyrlyǵy belgisiz ekeni aıtylǵan. Sondaı-aq Syrtqy ister mınıstrligi eki ızraıldiktiń qazirgi ýaqytta baılanyssyz ekenin habarlady jáne Izraıl azamattaryna qonaq úılerinen shyqpaýǵa keńes berdi.
Izraıldiń Ulttyq qaýipsizdik keńesi de osyndaı nusqaýlar berip, qoǵamdyq oryndarda adamdardy ızraıldik nemese evreı rámizderin kórsetpeýge shaqyrdy. Izraıldiń Ulttyq qaýipsizdik mınıstri Itamar Ben Gvır syrtqy ister mınıstri Gıdeon Saar, Izraıl qorǵanys mınıstri Katts jáne Izraıl polıtsııasymen «turaqty baılanysta» ekenin aıtty.
Premer-mınıstr Bınıamın Netanıahý gollandııalyq áriptesi Dık Shoofpen Amsterdamda ızraıldikterge jasalǵan shabýyldy talqylady, dep habarlady premer-mınıstr keńsesi.
Netanıahý Nıderland úkimetiniń eldegi barlyq ızraıldiktiń qaýipsizdigin qamtamasyz etýiniń mańyzdylyǵyn atap ótti jáne Shoofke qasaqana jasalǵan shabýyldy qatań qabyldaıtynyn aıtty. Ol sondaı-aq Nıderlandydaǵy evreı qaýymy úshin qaýipsizdikti kúsheıtýdi surady. Izraıl premer-mınıstri antısemıttik dep ataǵan shabýyl týraly málimdemesi úshin Shoofke alǵys aıtty.
Eldegi Izraıl elshiligi men Syrtqy ister mınıstrliginiń operatsııalyq ortalyǵyna qosymsha telefon jelileri qosyldy. Izraıl prezıdenti Isaak Gertsog Amsterdamdaǵy ızraıldikterge jasalǵan shabýyldy «bostandyq qundylyqtaryn qoldaǵysy keletin kez kelgen el úshin eskertý belgisi» dep atady.
Ol Gollandııa bıligi «shabýylǵa ushyraǵan barlyq ızraıldikter men evreılerdi qorǵaý, ornalastyrý jáne qutqarý, sondaı-aq evreıler men ızraıldik azamattarǵa qarsy zorlyq-zombylyqty barlyq qajetti quraldarmen joıý úshin dereý áreket etip, barlyq qajetti sharalardy qabyldaıtynyna» senim bildirdi.
Keshe ǵana qyzmetine kirisken Syrtqy ister mınıstri Gıdeon Saar Amsterdamda ızraıldik fýtbol jankúıerlerine jasalǵan «jantúrshigerlik, jabaıy jáne antısemıttik» shabýyl «Eýropa men álem úshin dabyl qaǵýy» kerek dedi.
These terrible barbaric and antisemitic terror attacks are a blaring alarm call for Europe and the world.
— Gideon Sa'ar | גדעון סער (@gidonsaar) November 8, 2024
Freedom loving countries, democracies, cannot allow unbridled hatred to roam the streets with impunity. As history has shown - what begins with persecution and violence…
