Izraıldik qonystanýshylar Batys jaǵalaýda palestınalyqtardyń kólikterin órtep jatyr
ASTANA. KAZINFORM - Izraılden qonys aýdarǵandar palestınalyqtardan tartyp alynǵan jerlerdi órtep jatyr. Oqıǵa okkýpatsııalanǵan Batys jaǵalaýdaǵy Mesafır ıAtta aýdanyndaǵy Sýsııa aýylynda bolǵan. Onda ızraıldik qonystanýshylar palestınalyqtardyń kólikterin órtegen, dep jazady Anadoly.
Jergilikti turǵyndardyń aıtýynsha, shabýyl aýyzashar men taraýıh namazynyń arasynda jasalǵan. Qonystanýshylar tórt úı men palestınalyq otbasylarǵa tıesili birneshe kólikti ádeıi órtegen.
Saldarynan birqatar kólik jaramsyz kúıge tústi, úılerge eleýli zııan keldi.
Izraıl parlamentiniń depýtaty Aımen Aýde bul shabýyldar Tel-Avıv bıliginiń qoldaýymen jasalyp jatqanyn málimdedi.
Onyń aıtýynsha, órt saldarynan kóptegen palestınalyq otbasy úılerinde qamalyp otyr.
- Okkýpatsııa tek qıratpaıdy, ol joıady, órteıdi, súrip tastaıdy jáne eń bastysy - óltiredi, — dep jazdy ol áleýmettik jelide.
Izraıl armııasy aımaqta palestınalyqtardyń múlkin qasaqana órteý faktisi týraly aqparat túskenin jáne tergeý bastalǵanyn habarlady.
Hevron qalasynyń ońtústigindegi Mesafır ıAtta aýyly Izraıl armııasy men qonystanýshylar tarapynan jıi shabýylǵa ushyraıdy.
Osyǵan deıin palestınalyqtardyń Gazada Izraıl soqqylarynan 10 turǵynnyń mert bolǵanyn habarlaǵany týraly jazdyq.
