Izraıldik dıplomatty Qytaıda belgisiz bireý pyshaqtap ketti
Izraıl men palestınalyq HAMAS uıymy arasyndaǵy soǵysqa jeti kún ótkende, búgin, 13 qazanda Izraıl elshiliginiń qyzmetkerlerine shabýyl jasalǵany týraly aqparat tarady, dep habarlaıdy Kazinform.
Izraıl Syrtqy ister mınıstrligi juma kúni Izraıldiń Qytaıdaǵy elshiliginiń dıplomatyna Beıjińde shabýyl jasalǵanyn málimdedi. Jaraqat alǵan qyzmetker aýrýhanaǵa jetkizilgen, qazir onyń jaǵdaıy qalypty habarlandy.
Shinatimes jazýynsha, qaskóı Izraıl elshiligi ǵımaratynyń janynda pyshaqpen shabýyl jasaǵan. Izraıldik sheneýnikter qylmystyń sebebin anyqtap jatyr.
Internette taraǵan vıdeoda Beıjiń kósheleriniń birinde aq kóılek kıgen er adamnyń Izraıl elshiliginiń qyzmetkerlerine shabýyl jasaǵany jáne jer qyzyl qanǵa boıalǵanyn kórýge bolady.
Associated Press, Reuters jáne South China Morning Post agenttiginiń málimetinshe, Izraıl Syrtqy ister mınıstrligi jaraqat alǵan adamnyń aýrýhanaǵa jetkizilgenin jáne onyń jaǵdaıy turaqty ekenin aıtty, biraq onyń aty-jóni men jumys mártebesin jarııalamady.
Qytaı bıligi bul oqıǵaǵa qatysty áli málimdeme jasaǵan joq.
以色列驻华使馆外交官北京街头遇刺视频。血腥暴力，小心点击。从视频看，凶手不是中国人，但似乎也不是典型的阿拉伯人长相。 pic.twitter.com/gP4bQF1T3u
— 张平 (@pingzhang632) October 13, 2023
