Izraılden evakýatsııa: 11 qyrǵyzstandyq Shymkent arqyly eline oraldy

ASTANA. KAZINFORM — Qyrǵyzstannyń Syrtqy ister mınıstrligi Izraılden azamattardy Mysyr arqyly sátti evakýatsııalaǵanyn habarlady, dep jazady Kabar.

Qyrǵyzstan azamattary Izraıldegi joǵary qaýip-qater aımaǵynan sátti evakýatsııalandy.

Syrtqy ister mınıstrliginiń málimetinshe, Qyrǵyz Respýblıkasynyń azamattarynyń qaýipsizdigin qamtamasyz etý jáne quqyqtaryn qorǵaý maqsatynda, sondaı-aq kelip túsken ótinishterge baılanysty Qyrǵyz Respýblıkasynyń Syrtqy ister mınıstrligi Túrkııa, Qazaqstan jáne Saýd Arabııasyndaǵy Qyrǵyzstan elshilikterimen, sondaı-aq Gertslııa (Izraıl) jáne Shymkent (Qazaqstan) qalalaryndaǵy Qyrǵyzstannyń qurmetti konsýldarymen tyǵyz yntymaqtastyqta shuǵyl evakýatsııalyq sharalar keshenin júzege asyrdy.

Úılesimdi áreketter nátıjesinde 11 Qyrǵyzstan azamaty Izraılden Mysyrǵa sátti evakýatsııalanyp, sol jerden Qazaqstannyń Shymkent qalasyna aman-esen jetip, keıin Qyrǵyzstanǵa jetkizildi.

Mınıstrlik Mysyr Arab Respýblıkasy basshylyǵyna jáne quzyrly organdaryna tranzıttik baǵytty uıymdastyrýǵa kórsetken kómegi men qoldaýy úshin shynaıy alǵys bildiredi.

Sondaı-aq gýmanıtarlyq mıssııanyń sátti júzege asyrylýyna yqpal etken Qazaqstannyń dıplomatııalyq ókildikterine erekshe rızashylyǵyn jetkizdi.

Budan buryn grek dıplomattary Ázerbaıjannyń kómegimen Irannan evakýatsııalanǵanyn jazǵan edik.

Sonymen qatar 20 maýsymda Qazaqstan Respýblıkasynyń Syrtqy ister mınıstrligi úılestirilgen evakýatsııalyq is-sharalar sheńberinde Izraılden 66 otandasty (Mysyr aýmaǵy arqyly), Irannan 78 azamatty (Armenııa arqyly – 73, Ázerbaıjan – 2, Túrikmenstan – 3) shyǵardy.