Izraılde zardap shekken qazaqstandyqtar týraly aqparat túspegen
Qazaqstan Izraılge repatrıatsııalyq reıs uıymdastyrý máselesin pysyqtap jatyr. Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy Kazinform agenttigi.
«Izraıldegi barlyq azamattarymyz sabyr saqtap, dıplomattarǵa qajetti aqparatty usynýǵa barynsha járdemdesip jatyr jáne jergilikti bılik organdarynyń búkil talaptary men qaýipsizdik sharalaryn qatań saqtap keledi. Búgingi tańda bizge Izraılde qaza bolǵan, zardap shekken jáne kepilge alynǵan qazaqstandyqtar týraly aqparat kelip túsken joq. Keıbir avıareısterdiń toqtatylýyna jáne birqatar avıatasymaldaýshylardyń Izraılge reıs oryndaýdan bas tartýyna baılanysty Qazaqstan Elshiligi «Eır Astana» áýekompanııasymen birlesip, Qazaqstanǵa oralýǵa nıet bildirgen azamattardyń tizimin jasaý, sondaı-aq olardy odan ári qaýipsiz jerge shyǵarýdy uıymdastyrý boıynsha pysyqtaý jumysyn júrgizip jatyr»,- dedi Aıbek Smadııarov mınıstrlikte ótken brıfıngte.
Onyń dereginshe, osy ýaqytqa deıin Qazaqstanǵa oralýǵa 118 azamatymyz nıet bildirdi.
«Tel-Avıvtegi Ben-Gýrıon atyndaǵy Halyqaralyq áýejaı óz jumysyn shtattyq rejımde jalǵastyryp jatqanyn habarlaımyz. Bul rette, osy bir-eki kún ishinde Úkimet deńgeıinde Tel-Avıvke jiberiletin arnaıy repatrıatsııalyq reısti uıymdastyrý máselesi pysyqtalyp jatyr», - dedi resmı ókil.
