Izraılde túrmelerdi kúzetýge qoltyraýyndar tartylmaq
ASTANA. KAZINFORM — Izraılde túzeý mekemeleriniń qaýipsizdigin kúsheıtýge baǵyttalǵan erekshe joba júzege asyryla bastady, dep habarlaıdy Kazinform agenttiginiń Taıaý Shyǵystaǵy menshikti tilshisi.
Eldiń ońtústigindegi Ktsıot túrmesiniń bir korpýsynyń aınalasynda arnaıy or qazý jumystary bastaldy. Munda HAMAS qozǵalysynyń músheleri men qaýipsizdikke qatysty ister boıynsha sottalǵan ózge de palestınalyq tutqyndar jazasyn ótep jatyr.
Ynet pen The Times of Israel basylymdarynyń málimetinshe, qurylys jumystary qazirdiń ózinde bastalǵan. Bul jobanyń iske asyrylyp jatqanyn Izraıldiń Ulttyq qaýipsizdik mınıstrligi de rastady.
Jobanyń bastamashysy — Izraıldiń ulttyq qaýipsizdik mınıstri Itamar Ben-Gvır. Onyń josparyna sáıkes, Nil qoltyraýyndary jiberiletin orlar túrmeden qashýdyń aldyn alatyn qosymsha qorǵanys quraly ári tutqyndarǵa psıhologııalyq áser etý tásili bolmaq.
Israel begins digging crocodile moats around Palestinian detainees at notorious Negev prison
— The Cradle (@TheCradleMedia) July 22, 2026
——
Israel has begun excavating a 170-meter trench to be filled with Nile crocodiles around a wing of Ketziot Prison in the southern Negev (Al-Naqab), where Palestinian detainees are held… pic.twitter.com/N6litvl0ot
Jobany júzege asyrý úshin Izraıldiń qorshaǵan ortany qorǵaý mınıstri Idıt Sılman jýyrda Nil qoltyraýynynyń quqyqtyq mártebesin ózgertip, ony «qolǵa úıretilgen jabaıy janýarlar» sanatyna engizdi. Sonyń arqasynda bul janýarlardy pılottyq joba aıasynda túzeý mekemelerinde paıdalanýǵa múmkindik týdy.
Environmental Protection Minister Idit Silman, of Likud, reclassified the Nile crocodile as a “tended” wild animal this week, paving the way for their use in the penitentiary system according to the wishes of National Security Minister Itamar Ben Gvir.
— The Times of Israel (@TimesofIsrael) July 18, 2026
Ben Gvir’s proposal… pic.twitter.com/uTRaIt6OY6
Orlardy salýǵa 21 mln shekel (shamamen 3,3 mlrd teńge) bólindi.
Ben-Gvır keńsesiniń málimetinshe, joba qazirdiń ózinde iske asyrý kezeńine ótken.
— Muny ázil dep oılaǵandar qatelesti, — dep málimdedi vedomstvo ókilderi.
Jergilikti bıliktiń habarlaýynsha, or túrme aýmaǵynyń ishinde salynyp jatyr jáne syrttan kórinbeıdi. Ulttyq qaýipsizdik mınıstrligi qoltyraýyndardy kútip-baǵý men ustaýdyń egjeı-tegjeıli jospary ázirlengenin málimdedi.
Izraıl BAQ-tarynyń málimetinshe, baýyrymen jorǵalaýshylar ornalastyrylatyn ordyń uzyndyǵy shamamen 170 metr bolady. Ázirge oǵan shynymen qoltyraýyndar jiberile me, joq pa — belgisiz. Degenmen, qajetti ınfraqurylym qazirdiń ózinde salynyp jatyr.
Sonymen qatar bul bastama Izraıldiń Tabıǵat jáne ulttyq parkter basqarmasynyń synyna ushyrady. Mamandardyń pikirinshe, qoltyraýyndardy túrme kúzetiniń bir bóligi retinde paıdalanýdyń ǵylymı ári kásibı negizi joq. Sondaı-aq mundaı joba adamdar men qorshaǵan orta úshin qaýip tóndirýi múmkin.
Nil qoltyraýyndary tarıhı turǵyda qazirgi Izraıl aýmaǵynda mekendegenimen, XX ǵasyrdyń basynda tabıǵattan joıylyp ketken. Qazir bul jyrtqyshtar tek arnaıy fermalar men haıýanattar baqtarynda ǵana ustalady.
Sońǵy jyldary sondaı fermalardyń biri qoltyraýyn saýdasyna tyıym salynǵannan keıin jáne bul janýarlar qorǵalatyn túrler qataryna engizilgen soń eleýli qarjylyq ári uıymdastyrýshylyq qıyndyqtarǵa tap bolǵan.
Buǵan deıin Qytaıda sý tasqyny kezinde fermadan 75 qoltyraýyn qashyp ketkeni belgili boldy.
