Izraılde parlament saılaýynyń nátıjesi shyqty
ASTANA. KAZINFORM — Izraıldiń Ortalyq saılaý komıteti parlament saılaýyndaǵy daýys sanaýdy aıaqtady. Saıası partııalar endi bıleýshi koalıtsııa qurý boıynsha kelissózderge kirispek, dep habarlaıdy Kazinform agenttiginiń Taıaý Shyǵystaǵy menshikti tilshisi.
Juma kúni Izraıldiń Ortalyq saılaý komıteti 27 qazanda ótken Knessettiń 26-shaqyrylymy saılaýynyń qorytyndy nátıjesin jarııalady.
Ortalyq saılaý komıtetiniń málimeti boıynsha, premer-mınıstr Bınıamın Netanıahýdy qoldaıtyn partııalar blogy 120 orynǵa ıe parlamentten 53 oryn, negizgi oppozıtsııalyq blok 48 oryn, al eki arab partııasy 19 oryn alyp otyr, dep jazdy The Times of Israel.
Netanıahýdyń «Lıkýd» partııasy 27 oryn jeńip alyp, parlamenttegi eń iri fraktsııa bolyp qala bermek. Izraıl Qorǵanys armııasy Bas shtabynyń burynǵy bastyǵy Gadı Aızenkot basshylyq etetin «ıAshar» partııasy 21 orynmen ekinshi oryn aldy.
Qalǵan oryndar kelesideı bólindi:
- Naftalı Bennet pen ıAıra Lapıdtiń «Beıahad» partııasy — 12 mandat;
- Arab «Birikken tizimi» — 11 mandat;
- «Demokrattar» men RAAM arab partııasy — 8 mandattan;
- «Bizdiń úıimiz Izraıl», «ıAadýt ha-Tora» jáne «Otsma Iehýdıt» — 7 mandattan;
- ShAS pen «Dinı sıonızm» — 6 mandattan aldy.
The Central Elections Committee (CEC) published the final results of the 2026 national election in the early hours of Friday morning. These results leave the pro-Netanyahu bloc with 53 seats, the anti-Netanyahu bloc with 48 and the Arab factions with 19. The parties in the pro-Netanyahu bloc, which comprise the current government, held 68 seats in the outgoing Knesset, marking a significant drop. The final voter turnout was 77.9% of eligible voters — the highest figure in decades — with 5,716,665 votes cast. Read the latest on The Times of Israel.
— The Times of Israel (@TimesofIsrael) October 30, 2026
Saılaýda jalpy saılaýshylardyń 77,9%-y — 5 716 665 adam daýys berdi. Keıbir saıası toptar 3,25% sheginen óte almady.
Sondyqtan, negizgi saıası bloktardyń eshqaısysy úkimetti óz betinshe qurýǵa qajetti 61 mandat jınaı almady.
Sonymen qatar, Netanıahýdyń bıligin jalǵastyrýyna qarsy partııalar arab fraktsııalaryn qosqanda 67 oryndy alyp otyr. Biraq olar Netanıahý bıligine qarsy koalıtsııa qurýy úshin aldymen buryndary arab partııalarynyń úkimetke qatysýy jaıly pikiri bir jerden shyqpaǵan saıası kúshter óz ustanymdaryn úılestirýi qajet.
Izraıldiń Kan qoǵamdyq telearnasynyń habarlaýynsha, oppozıtsııa ókilderi Mansýr Abbas basqaratyn RAAM partııasymen yntymaqtastyq etý múmkindikterin talqylap jatyr. Al «Birlesken tizimmen» yntymaqtastyq máselesi kúrdeli bolyp qala bermek.
«ıAshar» kóshbasshysy Gadı Aızenkot demokrattar ıAır Golannyń «Demokrattarymen» jáne Naftalı Bennettiń «Beıahad» blogymen kelissózder júrgizip úlgergen. Taraptar jańa úkimetti tez arada qurý múmkindigin talqylady. Óz kezeginde, Bınıamın Netanıahý Itamar Ben-Gvır, Betsalel Smotrıch sekildi qazirgi koalıtsııalyq seriktesterine saıası odaqty saqtaý nıeti baryn aıtyp sendirgen.
30 qazandaǵy nátıjeler tekserý rásimderi aıaqtalǵannan keıin resmı túrde bekitiledi.
Ortalyq saılaý komıssııasy olardy 4 qarashada prezıdent Itshak Gertsogqa usynady, al jańa Knessettiń birinshi sessııasy 10 qarashaǵa josparlanǵan.
Osydan keıin úkimetti jasaqtaý protsesi bastalady. Eger saıası partııalar koalıtsııa qurý týraly kelisimge kele almasa, Izraılde jańa parlamenttik saılaý ótýi de ǵajap emes.
Buǵan deıin Izraılde parlament saılaýyna syrttan yqpal etý áreketi tekserilip jatqanyn habarlaǵan edik.