Izraılde konsýldyq esepte Qazaqstannyń 112 azamaty bar - SІM
Izraılde konsýldyq esepte Qazaqstannyń 112 azamaty bar. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«Búgingi tańda Qazaqstannyń Izraıldegi Elshiliginde konsýldyq esepke Elshilik qyzmetkerleri men olardyń otbasy múshelerin qosa alǵanda 77 azamat tirkelgen. Izraıldiń joǵary oqý oryndarynda Qazaqstannyń bes stýdenti oqıdy. Sondaı-aq otyzǵa jýyq qazaqstandyq jergilikti túrli medıtsınalyq mekemelerde taǵlymdamadan ótip jatyr. Barlyǵy — 112 adam. Tel-Avıvtegi dıplomattarymyz Izraıldegi Qazaqstan azamattarymen turaqty baılanysta jáne olarmen jedel is-qımyl jasaý maqsatynda arnaıy messendjerde chat ashty», — dedi ol mınıstrliktegi brıfıng barysynda.
Onyń atap ótýinshe, qazirgi ýaqytta atalǵan chatqa Izraılde ýaqytsha jáne turaqty turatyn eki júzge jýyq Qazaqstan azamaty qosylǵan.
