Izraılde esepte joq 400-den astam qazaqstandyq bolýy múmkin

Izraılde konsýldyq esepte joq 400-den astam Qazaqstan azamaty bolýy múmkin. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Qazaqstannyń Tel-Avıvtegi Elshiliginiń boljamynsha, Izraılde konsýldyq esepke turmaǵan tórt júzden astam Qazaqstan azamaty bolýy múmkin. Sheteldegi otandastarymyzdyń nazaryna Qazaqstannyń shet memleketterdegi dıplomatııalyq mekemelerinde konsýldyq esepke turý qajettiligin taǵy eske salamyz. Bul protsedýra erikti túrde jáne tegin jasalady. Sonymen qatar qashyqtan da jasaýǵa bolady. Esepke turý úshin konsýlǵa tıisti aqparatty, ıaǵnı tólqujat kóshirmesin jáne turǵylyqty mekenjaıyn jiberý qajet», - dedi ol mınıstrliktegi brıfıng barysynda.