Izraılde Ázerbaıjannyń 7 azamaty tyńshylyq jasady dep qamaýǵa alyndy

ASTANA. KAZINFORM – Ázerbaıjannan kelgen 7 Izraıl azamaty Irannyń paıdasyna tyńshylyq jasady degen kúdikke ilindi. Bul týraly Izraıldiń barlaý qyzmetine silteme jasap Kazinform-nyń menshikti tilshisi habarlaıdy.

Vedomstvonyń málimetinshe, qylmystyq top eki jyldaı jumys jasaǵan. Olar osy ýaqyt ishinde qomaqty somaǵa 600 tapsyrma oryndalǵan. Kúdiktiler áskerı bazalardy, sonyń ishinde 1 qazandaǵy shabýylda nysanaǵa alynǵan oryndardy fotoǵa túsirgen.

Kúdiktilerdiń barlyǵy – Haıfa men eldiń soltústik bóliginiń turǵyndary, olar Izraıl jáne Ázerbaıjannyń qos azamattyǵyna ıe. Olardyń arasynda dezertır men kámeletke tolmaǵan eki jasóspirim bar. Sot kámeletke tolǵan bes kúdiktiniń esimin jarııalady – Azız Nısanov, Aleksandr Sadıkov, Igal Nısan, Vıacheslav Gýşın jáne Evgenıı Ioffe. Kámelettik jasqa tolmaǵan eki balanyń aty-jóni jarııalanǵan joq. Kúdiktilerdiń barlyǵy memlekettik qaýipsizdikke qarsy qylmys jasady dep aıyptalýda.

Sonymen qatar, olar armııa bazalaryn fotosýretke túsirip, olar týraly aqparat jınady degen kúdikke ilindi. Sonyń ishinde Izraıl áýe kúshteriniń Nevatım jáne Ramat-Davıdegi bazalary jáne Tel-Avıvtegi «Kırııa» Bas shtabynyń kesheni bar. Tergeý málimetinshe, iske qatysy bar tulǵalar jınalǵan aqparatty Iranǵa ótkizgen.

Eger aıyptalýshylardyń kinási tolyq dáleldense, olar ómir boıyna sottalýy múmkin.