Izraılde 27 qazanda jalpy saılaý ótedi
ASTANA. KAZINFORM — Izraıldiń bıleýshi koalıtsııasy jeksenbi kúni Knessetke (parlamentke) jalpy saılaý buǵan deıin josparlanǵandaı bıylǵy 27 qazanda ótetinin jáne merziminen buryn ótkizilmeıtinin málimdedi.
Bul týraly Sınhýa Izraıldiń memlekettik Kan TV telearnasyna silteme jasap habarlady.
Izraıl zańnamasyna sáıkes, parlamenttik saılaý ár tórt jyl saıyn ótkizilýi tıis.
Saılaýaldy naýqan resmı túrde 17 shildede, Knesset parlamenttik demalysqa shyqqan kezde bastalady. Osy sátten bastap úkimet ýaqytsha mindet atqarýshy mártebesine kóship, kelisilgen zań jobalaryn, aǵymdaǵy normatıvtik sheshimder men qaýipsizdikti qamtamasyz etýge qajetti sharalardy qospaǵanda, mańyzdy saıası bastamalardy ilgerilete almaıdy.
Izraıl premer-mınıstri Bınıamın Netanıahý maýsym aıynda ótken baspasóz máslıhatynda qazandaǵy jalpy saılaýdan keıin keń aýqymdy ulttyq úkimet qurýdy josparlap otyrǵanyn málimdegen edi.
Osyǵan deıin Izraıl premer-mınıstri Bınıamın Netanıahý AQSh tarapynan Izraılge kórsetiletin qarjylyq qoldaýdy toqtatýǵa nıetti ekenin málim etti. Ol el ekonomıkasy qazir Amerıkanyń qoldaýynsyz ómir súre alatyndaı kúshti ekenin alǵa tartty.
