Izraıl jańa áskerı barlaý spýtnıgin ushyrdy
ASTANA.KAZINFORM — Jer serigin ushyrý Izraıldiń ulttyq qaýipsizdigin nyǵaıtý jáne baqylaý múmkindikterin keńeıtý strategııasynyń mańyzdy elementine aınaldy, dep habarlaıdy Kazinform agenttiginiń menshikti tilshisi.
Izraıl qorǵanys mınıstrligi seısenbi kúni jańa «Ofek-19» radıolokatsııalyq baqylaý spýtnıginiń orbıtaǵa sátti ushyrylǵanyn habarlady.
Jer serigi Izraıl qorǵanys kúshteri men Israel Aerospace Industries (IAI) birlesýimen ushyryldy. Qurylǵy kez kelgen aýa raıy jaǵdaıynda táýlik boıy baqylaýǵa múmkindik beretin sıntetıkalyq apertýraly radıolokatsııalyq júıemen jabdyqtalǵan.
Orbıtaǵa shyqqannan keıin spýtnık derekter berýdi bastady jáne paıdalanýǵa engizilmes buryn birqatar synaqtan ótip jatyr. Synaqtar aıaqtalǵannan keıin spýtnıkti basqarý Izraıl armııasynyń vızýaldy barlaýǵa jaýapty 9900 bólimshesine beriledi.
🇮🇱 BREAKING: Israel has launched the Ofek 19 spy satellite, marking a historic leap in national defense and intelligence. With this launch, Israel joins an elite club of just 3–5 nations that can independently build, launch, and operate advanced reconnaissance satellites.
— Israel War Room (@IsraelWarRoom) September 3, 2025
Ofek… pic.twitter.com/Ak9oE3kG8E
Izraıl qorǵanys mınıstrliginiń málimetinshe, «Ofek-19» sıpattamalary jaqsartylǵan jáne armııanyń múddesi úshin barlaý maqsatynda jasalǵan.
Ushyrý saltanatyna prezıdent Isaak Gertsog, qorǵanys mınıstri Israel Kats, qorǵanys mınıstrliginiń bas dırektory Amır Baram jáne Israel Aerospace Industries bas dırektory Boaz Levı qatysty.
— Biz jaı ǵana startaptar memleketi emespiz, biz ǵaryshtyq derjavamyz. Izraıl ǵaryshta bolýy kerek, óıtkeni bul jerde bizdiń eń mańyzdy strategııalyq múmkindikterimiz bar, — dedi Gertsog.
אנחנו לא רק סטארט-אפ ניישן - אנחנו גם ספייס ניישן.
— יצחק הרצוג Isaac Herzog (@Isaac_Herzog) September 3, 2025
אמש התרגשתי לצפות מקרוב בשיגור הלוויין ״אופק 19״ ממרכז הבקרה, יחד עם בכירי מערכת הביטחון והתעשייה האווירית. זהו רגע שמסכם שנים של עבודה יוצאת דופן - מקצועית, ממוקדת ומעוררת השראה.
ישראל חייבת להיות בחלל - שם נמצא עתיד האנושות.… pic.twitter.com/xP1DdUvyfK
Kats bul ushyrýdy «ulttyq maqtanysh sáti» dep atap, jańa jer serigi memleket kúshiniń qosymsha elementi bolatynyn jáne Izraıl qorǵanys ónerkásibiniń damý deńgeıin kórsetetinin atap ótti.
Baramnyń aıtýynsha, «Ofek-19» ulttyq qorǵanys úshin aıtarlyqtaı «kúsh mýltıplıkatory» bolady jáne Izraıl aldaǵy onjyldyqta spýtnıktik shoqjuldyz qurýǵa mıllıardtaǵan shekel ınvestıtsııalaýǵa nıetti.
Izraıl áskerıleri jańa qurylǵylar búkil Taıaý Shyǵystaǵy jaǵdaıdy turaqty baqylaýǵa múmkindik beretinin atap ótti. Gaza sektorynda jalǵasyp jatqan qaqtyǵystar men kórshiles elderdegi qarýly toptarǵa qarsy operatsııalar aıasynda, ulttyq qaýipsizdik úshin ǵaryshtyq tehnologııalardyń mańyzy artyp keledi.
Ofek baǵdarlamasyn Izraıl 1988 jyldan beri júzege asyryp keledi. Osy ýaqyt ishinde el baqylaý spýtnıkteriniń tutas otbasyn qurdy, bul ony ǵaryshtan joǵary dáldiktegi barlaý múmkindikteri bar sanaýly elderdiń birine aınaldyrdy.
Aıta ketelik Izraıl Batys jaǵalaýdaǵy daýly E1 qurylysynyń jobasyn maquldady.