Izraıl jaǵalaýynda iri gaz kenishi tabyldy
ASTANA. 30 jeltoqsan. QazAqparat - Amerıkandyq Noble Energy kompanııasy jáne onyń ızraıldyq áriptesteri Izraıl jalaǵalaýlarynan iri gaz qoryn tapqanyn jarııalady, dep habarlady Lenta.rý agenttigi. Bul týraly kompanııanyń resmı saıtynda aıtylǵan.
«Levıafan» kenishinde uńǵylardy burǵylaý onyń qory 450 mıllıard tekshe metrge jýyqtaıtynyn qýattady. Salystyratyn bolsaq, «Gazprom» jylyna 500 mıllıard tekshe metrge jýyq gaz óndiredi.
«Levıafan-1» ýchaskesi Haıfadan 130 shaqyrym jerde 1645 metrlik tereńdikte ornalasqan.
Amerıkandyqtarmen birge jumys istep jatqan kompanııalardyń biri Delek Energy ókilderiniń aıtýynsha, bul sońǵy 10 jyldaǵy iri ashylym boldy. Ony ıgerý Izraıldiń gaz eksporttaýshy elge aınalýyna múmkindik beredi, atap ótedi Reuters.
