Izraıl ushaqtary Lıvannyń áýe keńistigin birneshe ret buzdy
ASTANA. Qyrkúıektiń 6-sy. QazAqparat - Izraıldiń shabýyldaýshy ushaqtary jeksenbi kúni Lıvannyń áýe keńistigin birneshe ret buzyp, eldiń ońtústik aýdandaryna shabýyl ımıtatsııasyn jasady. Lıvandyq áskerı derekkózdiń habarlaýynsha,
Izraıl ushaqtary Nabatııa, Mardjaıýn jáne El-Hııam qalalarynyń ústinen aınalǵan jáne 2006 jylǵy qaqtyǵystan keıin radıkaldyq «Hezbollah» tobynyń bazasy qonys aýdarǵan Iklım at-Týffah eldi-mekeniniń ústinen birneshe ret tómendep ushqan, dep habarlaıdy ITAR-TASS agenttigi.
Izral ushaqtary ótken táýlikte Lıvannyń áýe keńistigine Jerorta teńizi jaqtan birneshe ret ushyp kirgen. Shabýyldaýshy ushaqtar Beırýt, Bıblos, Batrýn jáne Baalbek qalalarynyń ústinen de baıqalǵan. Lıvannyń áýe qorǵanysy kúshteri «qarsylasqa qarsy oq ashýǵa sál qalǵandaryn» málim etip otyr.
BUU-nyń Ýaqytsha kúshteriniń qolbasshylyǵy Izraıl tarabynyń bul áreketin «BUU Qaýipsizdik keńesiniń 1701 qararyn buzý» dep baǵalaýda. Al Izraıldiń bas shtaby óz kezeginde, bul barlaý saparlary shııt sodyrlarynyń qozǵalysyn baqylaý úshin jasalǵanyn málim etip otyr.
Izraıldiń «Naharet» aqparat agenttiginiń habarlaýynsha, Izraıldiń BUU-daǵy Elshisi senbi kúni Qaýipsizdik Keńesine hat joldap, «Hezbollah» kúshteriniń shekaranyń boıyna 15 myń jańa zymyran ornatqanyn jáne ol zymyrandardyń Tel-Avıvke ǵana emes, Qyzyl Teńizdegi Eılat aılaǵyna da jetýge qabiletti ekenin málim etken.
