Izraıl ushaqtary Sananyń halyqaralyq áýejaıyna soqqy jasady
ASTANA. KAZINFORM – Hýsıtterdiń baqylaýyndaǵy Iemen astanasyndaǵy halyqaralyq áýejaı tolyqtaı isten shyqty, dep habarlaıdy Kazinform menshikti tilshisi.
Iemen buqaralyq aqparat quraldary ókilderiniń málimetterine qaraǵanda, Izraıl ÁÁK-niń joıǵysh ushaqtary hýsıtter baqylaıtyn Iemen astanasy Sanadaǵy halyqaralyq áýejaıǵa soqqy jasady.
Izraıldiń qorǵanys áskeri hýsıtterdiń Ben-Gýrın áýejaıyna jeksenbi kúni jasaǵan shabýylyn qosa alǵanda, Izraılge birneshe qaıtara jasaǵan soqqysyna jaýap retinde Iemendi áýeden birneshe ret atqylap, el astanasy Sanadaǵy halyqaralyq áýejaıdyń kúl-talqanyn shyǵardy.
🚨 لقطات جديدة للغارات الجوية الإسرائيلية التي أصابت مطار صنعاء الدولي في اليمن. pic.twitter.com/DlzAqg5xES
— الأحداث العالمية (@NewsNow4USA) May 6, 2025
Izraıl áskerıleriniń sózinshe, hýsıtter baqylap otyrǵan el astanasy Sanadaǵy áýejaı tolyq isten shyqqan. Sondaı-aq Izraıl áskeri áýejaıdy hýsıtter sodyrlardyń qarý-jaraqtaryn tasymaldaý men terrorıstik maqsattar úshin paıdalanǵanyn aıtty.
Soqqy jasar aldynda Izraıl áskeri Sana halyqaralyq áýejaıyndaǵylardy shuǵyl evakýatsııa týraly eskertken.
- Biz shuǵyl túrde áýejaı aımaǵynan ketýdi jáne bul týraly jaqyn aradaǵy adamdardyń barlyǵyn eskertýge shaqyramyz, - dep málimdedi Izraıl qorǵanys armııasynyń ókili arab tilinde.
Buǵan qosa Izraıldiń Qorǵanys armııasy olardyń maqsaty hýsıtter paıdalanatyn Sana mańyndaǵy birneshe elektr stantsııasy, sondaı-aq terrorıstik top týnnelderdiń ınfraqurylymynyń qurylysyna paıdalanatyn el astanasynan soltústik qaraı ornalasqan tsement zaýytyn joıý bolǵanyn atap ótti.
Áskerılerdiń sózinshe, beton zaýytyna jasalǵan soqqy rejımniń ekonomıkasy men onyń áskerı áleýetine soqqy bolatynyn jetkizdi.
Osyǵan deıin Izraıl áýe kúshteri zymyran shabýylyna jaýap retinde Iemenge soqqy jasady.