Izraıl ulttyq quramasymen seriktestikten bas tartqan alpaýyt brendti sotqa bermek

ASTANA. KAZINFORM — Izraıl Reebok kompanııasyn ulttyq quramamen kelisimdi buzýǵa áreket jasaǵany úshin sotqa bermek boldy, dep habarlaıdy Anadoly.

Izraıl fýtbol quramasymen kelisimshartty buzýǵa talpynǵany úshin Izraıl Reebok kompanııasyna sot isin qozǵaý týraly eskertý jasady.

Ulybrıtandyq BAQ-tyń habarlaýynsha, Reebok Izraıl fýtbol quramasymen kelisimshartty buzýǵa jáne komanda jeıdesinen óz logotıpin alyp tastaýǵa tyrysqan. Alaıda keıinnen kompanııa bul sheshiminen bas tartqan kórinedi.

— Izraıl fýtbol qaýymdastyǵynyń (IFA) prezıdenti Moshe Zýares, Reebok jáne onyń jergilikti ókili arasynda ótken kelissózderden keıin kompanııa kelisimdi buzý nıetinen bas tartty. Osylaısha, ulttyq quramalardyń halyqaralyq matchtardaǵy formasynda Reebok logotıpi burynǵysynsha saqtalady, — delingen IFA málimdemesinde.

Reebok kompanııasy 2024 jyldyń aqpanynda IFA-men kelisimshartqa otyrǵan bolatyn. Bul kelisim Puma jáne Errea kompanııalarynyń propalestınalyq belsendiler uıymdastyrǵan boıkot qysymynan keıin áriptestikten bas tartýynan soń jasalǵan.

2023 jyldyń 7 qazanynan beri Izraıldiń Gaza sektoryna jasaǵan shabýyldary saldarynan keminde 66 097 palestınalyq qaza taýyp, 168 536 adam jaralanǵany habarlandy.

Osydan buryn sportshylar koalıtsııasy ÝEFA-ǵa Izraılge shekteý qoıýdy usyndy. Frantsýzdyq jartylaı qorǵaýshy Pol Pogba men krıketshi Mýın Alıdi qosqanda 48 qoly bar málimdeme Izraıldi Gaza sektoryndaǵy palestınalyqtarǵa jasaǵan qarym-qatynasy úshin ókilettiliginen shettetýdi surady.