Izraıl tutqynǵa alynǵan 10 aılyq sábıdiń ólimi týraly aqparatty tekserip jatyr

Izraıl áskeri palestınalyq taraptyń tutqynǵa alynǵan úsh adamnyń ólimi týraly málimdemesin tekserip jatyr. Kazinform bul týraly Euronews-ke silteme jasap habarlaıdy.

HAMAS-tyń sodyrlar qanaty – Izeddın ál-Kassam brıgadasynyń habarlaýynsha, urlanǵan ızraıldikterdiń eń kishisi – 10 aılyq sábı Izraıl áýe shabýylynyń qurbany boldy. Onymen birge onyń 4 jasar aǵasy men anasy qaza tapty.

Olarmen birge ákesi de urlanǵan, ol týraly áli málimet joq, ata-ájesi 7 qazanda óltirildi.

Seısenbide HAMAS uıymy balalar men olardyń anasyn endi ustamaıtynyn, olardy basqa topqa tapsyrǵanyn habarlady. Sondyqtan olar atysty toqtatý kelisimi aıasynda bosatylǵandar tizimine engen joq.