Izraıl tutqyndaǵy 602 palestınalyqty bosatady

ASTANA. KAZINFORM – Olardyń 50-i Izraılde ómir boıyna bas bostandyǵynan aıyrylǵan, dep jazady Anadoly. 

HAMAS 22 aqpanda tutqyn almasýdyń 8-shi raýndy aıasynda Izraıldiń 602 palestınalyqty bosatatynyn habarlady.

HAMAS Izraılmen aradaǵy atysty toqtatý jáne tutqyn almasý kelisimi boıynsha bosatylatyn palestınalyqtarǵa qatysty málimdeme jasady.

Málimdemede 602 palestınalyq: ómir boıy bas bostandyǵynan aırylǵan 50 adam, uzaq merzimge qamalǵan 60 adam jáne 445 gazalyqtar 22 aqpanda bosatylatyny aıtylǵan.

HAMAS-tyń áskerı qanaty Izzedın ál-Kassam brıgadasynyń baspasóz hatshysy Ábý Ýbeıda erteń bolatyn almasýdyń 8-shi raýndy aıasynda 6 ızraıldik tutqyn bosatylatynyn aıtqan.

Aıta keteıik, buǵan deıin HAMAS tórt tutqynnyń denesin Qyzyl Krest uıymyna tapsyrǵanyn habarlaǵan edik. 

Sondaı-aq HAMAS soǵysty toqtatý úshin barlyq tutqyndy bosatýdy usynǵan.