Izraıl Túrkııa delegatsııasymen Bakýde kezdeskeni týraly málimdeme jasady

ASTANA. KAZINFORM — Izraıl tarapy osy mańyzdy kelissózderdi uıymdastyrǵany úshin Ázirbaıjan prezıdenti Ilham Álıevke alǵys bildirdi, dep jazdy Anadoly. 

Izraıl ulttyq qaýipsizdik keńesiniń tóraǵasy Tsahı Hanegbı bastaǵan dıplomatııalyq jáne qaýipsizdik salasyndaǵy delegatsııa Ázerbaıjanda túrik delegatsııasymen kezdesý ótkizgenin rastady.

Izraıl premer-mınıstriniń keńsesi jarııalaǵan málimdemege sáıkes, premer-mınıstr Bınıamın Netanıahýdyń nusqaýlary boıynsha Hanegbı bastaǵan qorǵanys jáne dıplomatııa máseleleri jónindegi delegatsııa, onyń quramynda Qorǵanys mınıstrligi men qaýipsizdik qyzmetteriniń joǵary laýazymdy ókilderi bar, túrik delegatsııasymen kezdesý ótkizdi.

Izraıl tarapy osy mańyzdy kelissózderdi uıymdastyrǵany úshin Ázerbaıjan prezıdenti Ilham Álıevke alǵys bildirdi.

Kelissózder barysynda taraptar óńirdegi ózara múddelerdi talqylaǵan. Kezdesý nátıjesinde aımaqtyq turaqtylyq úshin dıalogty jalǵastyrý týraly sheshim qabyldandy.

Túrkııa Ulttyq qorǵanys mınıstrliginiń baspasóz hatshysy, qoǵammen baılanys jónindegi keńesshisi kontr-admıral Zekı Aktúrk buǵan deıin «Izraıl Sırııanyń aýmaqtyq tutastyǵyna zııan keltirý jáne eldiń qaýipsizdigi men turaqtylyǵyn buzý maqsatynda arandatýshy shabýyldaryn jalǵastyrýdy toqtatýy tıis» dep málimdegen bolatyn.

Ol sondaı-aq «9 sáýir kúni Ázerbaıjanda Túrkııa men Izraıl arasynda Sırııa qalamaıtyn oqıǵalardyń aldyn alý úshin janjaldardy boldyrmaý tetigin qurý jóninde alǵashqy tehnıkalyq kezdesý ótkenin» habarlady.

Buǵan deıin habarlanǵandaı, BUU Gazadaǵy jýrnalısterge Izraıl tarapynan qasaqana jasalǵan shabýylǵa alańdaýshylyq bildirdi.