Izraıl Tramptyń saparyna daıyndalyp jatyr
ASTANA. KAZINFORM — Izraılde AQSh prezıdenti Donald Tramptyń saparyna daıyndyq júrip jatyr. Ierýsalımdegi Knesset ǵımaraty aldynda — Tramptyń sóz sóıleýi josparlanǵan jerde amerıkandyq týlar ilindi, dep habarlaıdy TASS.
Izraıl Qorǵanys mınıstrliginiń baspasóz qyzmetiniń málimetinshe, Ben‑Gýrıon áýejaıyndaǵy saltanatty aımaqqa 50 metrlik qyzyl kilem tóselgen. Sondaı‑aq jýrnalıster men fotograftarǵa arnalǵan sahna qoıyldy. Budan bólek Izraıl men AQSh týylary ornalastyrylǵan.
Osyǵan deıin Aq Úı Tramptyń jumys kúnin jarııalady, onda AQSh prezıdentiniń 13 qazanda Izraılge keletini, tutqyndardyń týystarymen kezdesetini jáne Knessette sóz sóıleıtinin kórsetilgen.
Izraıl prezıdenti Itshak Gertsogtyń ákimshiligi alǵash bolyp 9 qazanda Tramptyń sapary týraly resmı habarlama jasaǵan edi, sol kúni Tramp Knessette sóz sóıleýge daıyn ekenin aıtqan.
10 qazanda parlament spıkeri Amır Ohana Trampqa resmı shaqyrý hatyn joldaǵan.
Izraıl Syrtqy ister mınıstrliginiń baspasóz qyzmeti habarlaǵandaı, Tramp 2008 jyldan beri Knessette sóz sóıleıtin AQSh prezıdenti bolmaq — eń sońǵy ret 17 jyl buryn parlamentte Kishi Djordj Býsh sóz sóılegen edi.
Gaza kelisimi týraly
9 qazanda Tramp Izraıl men HAMAS arasynda beıbit josparynyń alǵashqy kezeńi boıynsha kelissózderge qol jetkizilgenin jarııalady. Bul joba boıynsha Gaza sektoryndaǵy barlyq tutqyndar bosatylyp, Izraıl áskerleri kelisilgen pozıtsııalarǵa sheginýge tıis. Bul málimdemeden keıin premer-mınıstr Bınıamın Netanıahý Tramppen telefon arqyly sóılesip, ony Knessette sóz sóıleýge shaqyrdy.
10 qazan túninde Netanıahý ákimshiligi barlyq tutqynyń bosatylýy týraly kelisim bekitilgenin habarlady. Gaza sektorynda atysty toqtatý rejımi 10 qazan kúni saǵat 12:00-de kúshine endi. Izraıl qorǵanys kúshteri kelisilgen shegine ornalasqanyn resmı túrde jarııalady.
Izraıl úkimetiniń baspasóz hatshysy Shosh Bedrosıan brıfıng barysynda atysty toqtatý rejımi belsendi bolǵan soń «72 saǵattyq tereze» ashylǵany, sol ýaqyt ishinde tutqyndar úılerine qaıtarylatyny aıtyldy.
Buǵan deıin habarlanǵandaı, Gaza sektoryndaǵy soǵysty toqtatý týraly kelisimge 13 qazanda Sharm-esh-Sheıh qalasynda qol qoıylady dep josparlanyp otyr. HAMAS uıymy óz ókilderiniń rásimge qatyspaıtynyn málimdedi. Olar ornyna deldaldar qatysatynyn habarlady