Izraıl Tramptyń atysty toqtatý týraly usynysyna kelisimin bergen soń munaı kúrt arzandady

ASTANA. KAZINFORM – Seısenbi kúni, ıaǵnı Izraıl AQSh prezıdenti Donald Tramptyń Iranmen atysty toqtatý týraly usynysyna kelisimin bergen soń munaı baǵasy sońǵy eki aptada eń tómengi deńgeıge jetti, dep habarlaıdy Reuters.

Bul jaǵdaı munaı óndiretin sheshýshi óńir sanalatyn Taıaý Shyǵystan munaı jetkizý toqtaýy múmkin degen qaýipti seıiltti.

Brent munaıynyń fıýchersteri $3,82 deıin nemese 5,3% arzandap, Astana ýaqytymen saǵat 11:45-te barreli $67,66 boldy.

Sondaı-aq AQSh-tyń West Texas Intermediate munaıy $3,75 nemese 5,5% arzandap, barreli $64,76 boldy.

Osyǵan deıin Tramp Izraıl men Iran arasynda atystyń tolyq toqtatylǵanyn jarııalaǵan bolatyn.

Keıinirek Iran Izraılmen atysty toqtatý rejımi kúshine engenin málimdedi.