Izraıl Tramp úndeýine qaramastan Iranǵa shabýyl jasady
ASTANA. KAZINFORM – Izraıl 8 maýsymda Irannyń batysy men ortalyǵyndaǵy áskerı nysandarǵa shabýyl jasaǵanyn málimdedi, dep habarlaıdy Izraıl qorǵanys kúshteri (TsAHAL) baspasóz qyzmetiniń Telegram arnasy.
Iran bıligi Mahshehr qalasy zaýytynyń zaqymdanǵany týraly habarlady.
AQSh prezıdenti Donald Tramp birneshe saǵat buryn Izraıl men Irannyń jańa shabýyldary onyń ákimshiliginiń Tegeranmen beıbit kelissózine áser etpeıtinin málimdep, Izraıl premer-mınıstri Bınıamın Netanıahý Vashıngtonnyń Iranmen qol jetkizgen kez kelgen kelisimin qabyldaýdan basqa «basqa amaly qalmaıtynyn» atap ótti.
– Onyń tańdaýy bolmaıdy. Sheshimder men qabyldaımyn. Barlyq sheshimderdi men qabyldaımyn. Ol sheshimderdi qabyldamaıdy, - dep málimdedi Tramp Financial Times-qa bergen suhbatynda.
Aq úı Izraılden Iranmen keń aýqymdy soǵysty toqtatý týraly kelisimge jol ashý úshin Lıvandaǵy shabýyldardy toqtatýdy talap etip otyr.
Izraıl armııasy 17 sáýirde kúshine engen jáne 17 mamyrdan bastap taǵy 45 kúnge uzartylǵan atysty toqtatý týraly kelisimge qaramastan Lıvannyń ońtústigindegi Nabatııa provıntsııasyna áýe soqqylaryn jasady.
Jaýap retinde Iran Izraıldiń soltústigine zymyrandar ushyrdy.
Olaı bolǵanymen, Tramp Financial Times basylymyna bergen suhbatynda Tegerannyń shabýyldary onyń Iranmen dıplomatııalyq sheshimge kelý nıetin ózgertpegenin málimdedi.
Eske sala ketsek, Izraıl men Lıvan AQSh-tyń deldaldyǵymen atysty toqtatý týraly kelisimge keldi.
