Izraıl Tegeranǵa jasaǵan soqqydan Irannyń áskerı shtabynyń bastyǵy mert bolǵanyn málimdedi
ASTANA. KAZINFORM – Izraıldiń qorǵanys armııasy (TsAHAL) seısenbi kúni Tegerandaǵy komandalyq ortalyqqa jasaǵan soqqysynyń saldarynan Islam Respýblıkasynyń joǵary dárejeli áskerı tulǵalarynyń biri - Iran Qarýly Kúshteri áskerı shtabynyń bastyǵy Alı Shadmanıdiń ólgenin málim etti, dep habarlaıdy Sınhýa.
Soqqyny Izraıl avıatsııasy «naqty barlaý derekteri» men «kenetten soqqy jasaý múmkindigine» ıe bolǵan soń jasaǵan, delingen TsAHAL málimdemesinde.
A.Shadmanı joǵary dárejeli komandır jáne ol Iran kóshbasshysy Alı Hameneıge jaqyn adamdardyń biri bolǵan, Islam revolıýtsııasy saqshylar korpýsy men Iran armııasyn basqarǵan.
Ol Iran qarýly kúshteriniń qolbasshysy laýazymyna osy soǵystyń bastalýyna túrtki bolǵan Izraıl soqqysynan keıin 5 kúndik atystyń bas kezinde mert bolǵan Alaa Alı Rashıdtiń óliminen keıin taǵaıyndalǵan.
A.Shadmanıdiń ólimi «Irannyń joǵary áskerı qolbasshylyǵyn joıýǵa baǵyttalǵan sharalardyń jalǵasy boldy jáne ol qolbasshylyq tizbegin buzdy», -dep málimdedi TsAHAL.
Osyǵan deıin kıbershaýbyl Irannyń iri bankteriniń biriniń jumysyna nuqsan keltirgeni týraly jazdyq.