Izraıl Tegeranǵa jańa aýqymdy áýe soqqylaryn jasady
ASTANA. KAZINFORM — Izraıl qorǵanys kúshteri Iran astanasyna jańa keń aýqymdy áýe soqqylary jasaǵanyn málimdedi, dep jazdy Kazinform agenttiginiń Taıaý Shyǵystaǵy tilshisi.
Jeksenbi kúni Irannyń buqaralyq aqparat quraldary Tegerannyń ártúrli aýdandarynda birneshe jarylys bolǵanyn habarlady. IRNA agenttigi Seıed-Handan, Kasr qıylysy, Vanak alańy jáne Motaharı kóshesindegi raketalyq jáne áýe soqqylarynan bolǵan «qorqynyshty jarylystar» týraly habar taratty. Tasnim agenttigi de qala soltústiginde jarylystar bolǵanyn málimdedi.
Sonymen qatar, dúmpýler astananyń batys bóliginde, onyń ishinde Azadı munarasy mańynda da oryn alǵany habarlandy. Áleýmettik jelilerde qala ústinde kóterilgen qalyń tútin baǵandarynyń vıdeolary jarııalandy.
Heavy Israeli Air Force airstrikes ongoing in Iran’s capital, Tehran right now. pic.twitter.com/BvAGnTgkF4
— OSINTtechnical (@Osinttechnical) March 1, 2026
Keıin Izraıl qorǵanys kúshteri áýe kúshteriniń Tegeran ortalyǵynda ıran basshylyǵyna qatysty nysandarǵa soqqy bergenin málimdedi.
— «Arystannyń uranyn» bastalǵannan beri alǵash ret Izraıl qorǵanys kúshteri ıran rejıminiń nysandaryna Tegerannyń júreginde soqqy jasady. Sońǵy 24 saǵat ishinde áýe kúshteri áýe basymdyǵyn qamtamasyz etý jáne Tegeranǵa jol ashý maqsatynda aýqymdy soqqylar júrgizdi, — delingen TsAHAL habarlamasynda.
Keıin Izraıl áskerı basshylyǵy bul soqqylardyń armııa barlaýynyń basshylyǵymen avıatsııa arqyly jasalǵanyn jáne ıran rejımimen baılanysty nysandarǵa baǵyttalǵanyn aıtty.
צפו בתיעוד ראשון מהמטס הרחב של חיל האוויר בלב טהראן
— צבא ההגנה לישראל (@idfonline) March 1, 2026
מצורף תיעוד מהדקות האחרונות של השמדת מפקדה של משטר הטרור האיראני בלב טהראן pic.twitter.com/jGSpx0oo2Y
Izraıl qorǵanys mınıstri Israel Kats áýe basymdyǵy ornatylǵannan keıin ızraıldik ushaqtar tikeleı nysanaǵa tastalatyn «stand-in» bombalaryn qoldana bastaǵanyn jetkizdi.
Iran Qyzyl Jarty Aıy Tegerandaǵy óz shtaby men birneshe aýrýhana mańynda soqqylar bolǵanyn rastady. Sonymen qatar, Iran memlekettik teleradıo habar taratý kompanııasynyń kesheni ornalasqan aýdanynda da jarylystar bolǵany habarlandy.
Buǵan deıin Iran astanasyna jasalǵan osyndaı soqqylardan Islam Respýblıkasynyń bıligi joǵarǵy basshysy Alı Hameneıdiń ajal qushty.
