Izraıl Tegeranǵa taǵy da soqqy berdi

ASTANA. KAZINFORM — Izraıl Qarýly kúshteri Iran astanasyndaǵy nysandarǵa jańa soqqylar tolqynyn bastaǵanyn málimdedi. Bul týraly VVS jazdy.

– Izraıl qorǵanys armııasy Tegeranda ırandyq terrorıstik rejımniń ınfraqurylymyna qarsy aýqymdy soqqylar tolqynyn bastady, — delingen habarlamada.

BBC-diń Parsy qyzmetindegi áriptesterdiń málimetinshe, Tegeran qalasynda taǵy da jarylystardyń dybysy estilgen.

Buǵan deıin TsAHAL Izraıl áskerı kúshteri Iran aýmaǵynan Izraıl baǵytyna qaraı ushyrylǵan zymyrandardy tirkegenin habarlaǵan edi.

Áskerı málimetke sáıkes, áýe shabýylyna qarsy qorǵanys júıeleri qaýip-qaterdi toıtarý úshin jumys istep jatyr.

Izraıl áskerı qolbasshylyǵy juma kúni Izraıl qorǵanys armııasy Iran aýmaǵyndaǵy 400-den astam nysanaǵa soqqy jasaǵanyn málimdedi.

TsAHAL habarlamasynda zymyran ushyrý qondyrǵylaryna, áýe shabýylyna qarsy qorǵanys júıelerine jáne ushqyshsyz ushý apparattaryn saqtaıtyn qoımalarǵa soqqy jasalǵany aıtylǵan.

Al Tegeran turǵyndary BBC-ge jumaǵa qaraǵan túni AQSh pen Izraıldiń Iran rejımine qarsy áskerı áreketteri bastalǵaly bergi eń qarqyndy áýe soqqylaryna kýá bolǵandaryn jetkizgen.

Aıta keteıik, Izraıl Tegeranǵa aýqymdy soqqylar bastalǵanyn málimdedi.