Izraıl táýlik ishinde HAMAS pozıtsııalaryna 450 soqqy jasady

Izraıl armııasy sońǵy 24 saǵat ishinde HAMAS pozıtsııalaryna 450 soqqy jasaǵanyn habarlady, dep jazady Kazinform agenttigi VVS agenttigine silteme jasap. 

«TsAHAL 24 saǵat ishinde Gaza sektoryna úshinshi ret jappaı shabýylyn jalǵastyryp jatyr. Ondaǵan joıǵysh ushaq ál-Fýrkandaǵy nysandarǵa 200 soqqy jasady. Buǵan deıin ondaǵan joıǵysh ushaq sol ál-Fýrkandaǵy 200-den astam nysanǵa shabýyl jasaǵan edi» delingen habarlamada.

TsAHAL málimetinshe, ál-Fýrkan — Gaza sektorynyń soltústigindegi HAMAS Izraılge qarsy shabýyl jasaý úshin paıdalanatyn aımaq.

TsAHAL ókili BAQ-tyń 1200 adamnyń qaza tapqany týraly aqparatyn rastady.

«Izraıl men HAMAS arasyndaǵy soǵysta 1200-den astam ızraıldik qaza tapty» dep habarlady Izraıl qorǵanys kúshteriniń ókili Djonatan Konrıkýs.

Sársenbige qaraǵan túni bul tsıfrdy ızraıldik BAQ jarııalady.

«Izraılde qaza tapqandar sany 1200 adamǵa jetti», — dep málimdedi TsAHAL ókili.

Ol sondaı-aq olardyń kóbi beıbit turǵyndar ekenin qosyp ótti.