Izraıl tarapynan Sırııanyń ońtústigine jasalǵan operatsııadan 10-nan astam adam qaza tapty
ASTANA. KAZINFORM — Damask Izraıl áskeriniń túngi reıdin aıyptap, onyń maqsaty terrorıstik top múshelerin ustaý bolǵanyn málimdedi, dep habarlaıdy Kazinform agenttiginiń menshikti tilshisi.
Sırııanyń ońtústigindegi Beıt-Djın aýylynda Izraıl áskeriniń operatsııasy barysynda keminde 10 adam qaza tapty. Bul týraly juma kúni Sırııanyń SANA agenttigi habarlady.
Izraıldiń Qorǵanys armııasy (TsAHAL) málimdegendeı, olardyń alty áskerı qyzmetkeri «Al-Djamaa al-Islamııa» qarýly tobynyń múshelerin ustaý barysynda jaraqat alǵan. TsAHAL ókilderi bul qaqtyǵystar kezinde birneshe terrorıstiń óltirilgenin atap ótti.
The Times of Israel málimetinshe, operatsııa juma kúni tańǵy úsh shamasynda bastalyp, «Al-Djamaa al-Islamııa» tobynyń eki múshesin ustaýǵa baǵyttalǵan. Izraıl áskeriniń aıtýynsha, bul adamdar buǵan deıin Izraılge qarsy raketalyq shabýyldar jasaǵan jáne Izraılge shabýyl jasaýǵa daıyndalǵan.
⭕️ Overnight, based on intelligence gathered in recent weeks, IDF troops conducted an operation to apprehend suspects from the Jaama Islamiya terrorist organization operating in the Beit Jinn area of southern Syria.
— Israel Defense Forces (@IDF) November 28, 2025
During the activity, several armed terrorists opened fire at…
Izraıl áskerıleri eki kúdikti ustalǵannan keıin olardyń bólimshesi atqylaýǵa ushyrady, nátıjesinde Izraıl avıatsııasynyń qoldaýymen jaýapty oq atyldy. Alty ızraıldik áskerı qyzmetker túrli aýyrlyqtaǵy jaraqattar aldy. TsAHAL sondaı-aq Beıt-Djınde ózderiniń áskerılerge tıesili hammerdi joıdy, ony jaý kúshteri qolǵa túsirmeýi úshin.
TsAHAL túngi reıd aıaqtalǵanyn habarlap, barlyq kúdiktilerdiń ustalǵanyn jáne Izraılge tergeý úshin jetkizilgenin, birneshe terrorıstiń óltirilgenin málimdedi.
Sırııalyq BAQ taratqan málimetke sensek, Izraıldiń áýe soqqylarynan 10-nan astam adam qaza tapty, onyń ishinde balalar da bar, taǵy birneshe ondaǵan adam jaraqat alǵan. Sırııanyń Densaýlyq saqtaý mınıstrligi 6 adamnyń máıiti aýrýhanaǵa jetkizilgenin, al taǵy birneshe máıittiń evakýatsııalaý múmkin bolmaǵandyqtan sol jerde jerlengenin habarlady.
SANA agenttiginiń málimeti boıynsha, Izraıl kúshteri Beıt-Djınge kirip, birneshe adamdy ustaǵan, sodan keıin áskerı men jergilikti turǵyndar arasynda qaqtyǵystar bolǵan.
— Sırııa bul áreketti qylmystyq shabýyl dep aıyptap, beıbit turǵyndardyń qazasyna jáne zaqymdanýyna ákelgenin málimdedi, — dep atap ótti Sırııanyń Syrtqy ister mınıstrligi.
Sırııalyq tarap artıllerııalyq oq pen avıatsııanyń qoldanylǵanyn jáne turǵyndardyń kórshiles aımaqtarǵa kóshirilgenin habarlady. Izraıl áskerıleri operatsııanyń maqsaty — josparlanǵan shabýyldardy, onyń ishinde raketalyq soqqylardy aldyn alý bolǵanyn atap ótti.
Aıta keteıik, Izraıl men Sırııa kelissózderde ilgerileýshilikterdi habarlady, biraq kelisim áli jasalmady.
Sırııa Izraıldiń drondarmen jasaǵan shabýylynan keıin áskerılerdiń qaza tapqany týraly málimdedi.
Dese de Izraıl men Sırııa 25 jyldan keıin alǵash ret joǵary deńgeıde kelissózder ótkizgen edi, alaıda shabýyl jasaý áli de toqtar emes.