10:40, 01 Jeltoqsan 2023 | GMT +6

Izraıl taǵy 30 palestınalyq tutqyndy bosatty

Израиль тағы 30 палестиналық тұтқынды босатты — Фото: russian.news.cn

Izraıl túrme qyzmeti HAMAS tobynyń kepilge alynǵan ızraıldikterdi bosatýyna jaýap retinde taǵy 30 palestınalyq tutqyndy bosatty. Kazinform agenttigi bul týraly BBC News-ke silteme jasap habarlaıdy.

Beısenbi kúni HAMAS uıymy tutqynǵa alynǵan 8 ızraıldik azamatty bosatty. Bitimgershilikti uzartý sharttaryna sáıkes, ol kún saıyn tutqynǵa alynǵan kem degende 10 adamdy bosatýy kerek. Biraq beısenbide bir kún buryn bosatylǵan Reseı azamattyǵy bar eki ızraıldik áıel «esepke alyndy».

Sondaı-aq keshe Gaza sektorynyń soltústik bóligine gýmanıtarlyq júk tıelgen 56 júk kóligi kirdi.

Eske sala ketsek, Gazada atysty toqtatý kelisimi 24 qarasha kúni tańerteń kúshine endi. Seısenbi kúni HAMAS pen Izraıl kepilge alynǵandardyń besinshi tobymen almasty. Keshe Izraıl barlyq áıelder men balalar bosatylǵan soń atysty toqtatýdy uzartatyny habarlandy.

Tegter:

Әлем жаңалықтары ХАМАС Газа секторы Палестина Израиль Таяу Шығыстағы ахуал

Сейчас читают