Izraıl Syrtqy ister mınıstrligi Irannyń shabýylyna qatysty pikir bildirdi

ASTANA. KAZINFORM – Izraıl Syrtqy ister mınıstrligi Irannyń shabýylyna qatysty pikir bildirdi.

Izraıl SІM resmı press-relız daıyndady jáne onyń messedj-paraǵy mynadaı:

1. Izraılge shabýyl. Ótken túnde Iran Izraılge júzdegen zymyran men ushqyshsyz ushaqty jaýdyryp, aıaýsyz jáne buryn-sońdy bolmaǵan shabýyl jasady. Halyqaralyq kúshterdiń qoldaýymen IDF olardyń kópshiligin sátti zalalsyzdandyrdy.

2. Izraıl kez kelgen stsenarııge daıyn: qorǵanysqa da, shabýylǵa da. Bizge shabýyl jasaǵan nemese shabýyldaýdy josparlaǵandardyń barlyǵyna soqqy beremiz.

3. Iran Izraılge jáne azat álemge qarsy áreketterimen jáne lańkestik proksılerin paıdalanýymen jaǵdaıdy turaqsyzdandyryp, aımaqtaǵy beıbitshilikke qaýip tóndirip otyr. 

4. Iran Izraıl memleketin joıý maqsatyn ashyq jarııalaıdy jáne soǵan sáıkes áreket etedi. Álemdegi eshbir el óziniń ómir súrýine qaıta-qaıta qaýip tóndirýge shydamaıdy.

5. AQSh pen Batys derjavalary Izraıldi qoldaıdy. Endi halyqaralyq qaýymdastyq Irandy toqtatyp, onyń lańkestik áreketterin jalǵastyryp, Izraılge jáne aımaqqa qaýip tóndirý áreketterine jol bermeýi kerek. Álemdik beıbitshilikke qaýip tóndiretin rejımniń ıadrolyq qarýǵa ıe bolýyna jol berýge bolmaıdy.

6. Qorǵanys organdarynyń buıryqtary ázirge kúshinde. Buıryqty oryndaý ómirdi saqtaıdy.

«Kelisimnen bas tartyp, qısynsyz talaptar qoıyp otyrǵan HAMAS lańkestik uıymynyń qolynda qatygezdikpen tutqynǵa alynǵan 133 kepildi úılerine qaıtarý úshin qoldan kelgenniń bárin jasap jatyrmyz. Kepilge alynǵandardy bosatýdy qamtamasyz etetin negiz jasaý jalǵasady: Áskerı árekettermen qatar, kelissózder, aradaǵy eldermen turaqty baılanystar júrgiziledi. Biz ońtústik pen soltústiktiń turǵyndary úılerine aman-esen oralýy úshin ızraıldikterge tóngen lańkestik qaýipti barlyq jaǵynan joıýdy jalǵastyramyz», - dep jazylǵan press-relızde.