Izraıl Syrtqy ister mınıstri Venesýelany óńirdiń turaqtylyǵyn buzdy dep aıyptady

ASTANA. KAZNFORM – Izraıldiń Syrtqy ister mınıstri Gıdeon Saar Paragvaıǵa sapary barysynda Venesýelany Ońtústik Amerıkada lıvandyq «Hezbolla» men palestınalyq HAMAS arasynda «kópir» qyzmetin atqaryp otyr dep aıyptady, dep habarlaıdy Anadoly. 

Bul týraly Izraıldiń Syrtqy ister mınıstri Gıdeon Saar Paragvaı syrtqy ister mınıstri Rýben Ramıres Leskanomen birge ótkizgen brıfıng barysynda málim etti,

-Ońtústik Amerıkada qylmystyq jeliler bar, al Taıaý Shyǵysta esirtki terrorızminiń alıanstary qurylyp jatyr. Olardyń toǵysqan jeri Venesýela. Búgingi tańda terrorıstik memleketter ózderiniń baqylaýyndaǵy aýmaqqa ǵana emes, óńir men búkil álemge qaýip tóndirip otyr,-dep málimdedi ol.

Saar sonymen qatar Venesýela prezıdenti Nıkolas Madýrony óńirdiń turaqtylyǵyn buzdy dep aıyptady. Onyń sózinshe, Madýro óńirdi mıgratsııalyq daǵdarysqa ákeldi, ol Venesýelada teraktiler uıymdastyratyn baza qurǵan.

Izraıl mınıstri paragvaılyq áriptesi Leskanony Izraıldiń eń jaqyn dostarynyń biri retinde atap ótip, Paragvaıǵa 2018 jyly elshilikti Ierýsalımge kóshirýge kómek kórsetkeni úshin alǵys bildirdi.

Paragvaı Izraıldi qoldap, 65 málimdeme jasady.

Saar Paragvaı úkimetiniń HAMAS jáne «Hezbollamen» qatar Islam revolıýtsııasy saqshylar korpýsyn da terrorıstik uıymdar qataryna qosý týraly sheshimin joǵary baǵalady.

-Paragvaıdy osy tarıhı qadammen qutyqtaımyn. Ózge memleketterge osy áreketti úlgi etýdi usynamyn, - dedi ol.

Paragvaıdyń qorǵanys mınıstri Oskar Gonsalestiń qatysýymen ótken osy sapar rásiminde taraptar ózara túsinistik týraly memorandýmǵa qol qoıdy.

Jergilikti BAQ ókilderiniń habarlaýynsha, Izraıl mınıstri sonymen qatar Argentınaǵa da barýdy josparlap otyr. Onyń baǵdarlamasy óńirlik dıplomatııa men qaýipsizdik salasy boıynsha yntymaqtastyqqa negizdelgen.

Osyǵan deıin Izraıl generaldarynyń HAMAS shabýylynyń aldyn almaǵany úshin jumystan shyǵarylǵany týraly jazdyq.