Izraıl Sırııanyń ońtústigindegi Tall ál-Ahmar aýdanyna soqqy jasady

ASTANA. KAZINFORM — Izraıl armııasy Sırııanyń ońtústigindegi El-Kýneıtra provıntsııasynyń ońtústik bóliginde ornalasqan Tall ál-Ahmar ash-Sharkı aýdanyna soqqy jasady, dep habarlaıdy Anadoly. 

Basylymnyń málimetinshe, ázirge qaza tapqandar nemese materıaldyq shyǵyn týraly aqparat túsken joq.

Sırııanyń memlekettik «Al-Ihbarııa» telearnasynyń habarlaýynsha, ızraıldik kúshter atalǵan aýdanǵa pýlemetterden oq atqan.

Shabýyldan keıin óńirde qurbandar nemese materıaldyq shyǵyndar týraly resmı málimdemeler jasalǵan joq.

Resmı Damask Izraıldiń El-Kýneıtra men Deraa aýyldyq aımaqtaryna jasaǵan reıdteri men beıbit turǵyndarǵa baǵyttalǵan shabýyldary 1974 jyly qol qoıylǵan «Kúshterdi ajyratý týraly kelisimdi» ashyq túrde buzý bolyp sanalatynyn málimdedi.

Buǵan deıin Sırııa prezıdenti Ahmed Sharaanyń málimdeýinshe, 2024 jylǵy 8 jeltoqsan men 2025 jylǵy 18 shilde aralyǵynda Izraıl armııasy Sırııanyń ártúrli óńirlerine 1000-nan astam áýe soqqysyn jasap, shamamen 400 jerústi reıdin ótkizgen.

Buǵan deıin Izraıldiń Sırııanyń ońtústigine qaıtadan basyp kirgeni habarlanǵan bolatyn.