Izraıl Sırııamen shekarada ornalasqan Golan bıigindegi býferlik aımaqqa áskerin jiberdi
ASTANA. KAZINFORM – Izraıl áskeri Izraıl men Sırııa arasyndaǵy Golan tóbelerindegi býferlik aımaqqa baryp, prezıdent Bashar Asad rejımi qulaǵannan keıingi yqtımal haosqa daıyndalyp jatyr, dep habarlaıdy Kazinform agenttiginiń menshikti tilshisi.
Izraıl qorǵanys áskeri saqtyq sharasy retinde bul aımaqtarǵa baryp, joǵary daıyndyqta ekenin aıtqanymen, Golan bıikteriniń turǵyndaryna qatysty erejelerde aıtarlyqtaı ózgerister bolǵan joq.
- Izraıl qorǵanys áskeri Golan tóbelerindegi qaýymdastyqtardyń jáne Izraıl azamattarynyń qaýipsizdigin qamtamasyz etý úshin býferlik aımaqta jáne birqatar qorǵaýdy qajet etetin aımaqtarda áskerlerin ornalastyrdy, - delingen habarlamada.
In accordance with the situational assessment following the recent events in #Syria, including the entry of armed personnel into the buffer zone, the IDF has deployed forces in the buffer zone and in several other places necessary for its defense, to ensure the safety of the… pic.twitter.com/Nsno9GBWB4
— Israel Defense Forces (@IDF) December 8, 2024
Sırııa aqparat quraldarynyń habarlaýynsha, Izraıl bul aýmaqty atqylaı bastaǵan.
- Sońǵy qadamdar jańa baǵalaýǵa jáne «sodyrlardyń býferlik aımaqqa ený múmkindigine» sáıkes keledi, - dedi TsAHAL.
- Biz Izraıl armııasynyń Sırııada bolyp jatqan oqıǵalarǵa aralaspaıtynyn atap ótemiz, - dep jazady The Times of Israel.
Bul Izraıl kúshteriniń Izraıl men Sırııa arasyndaǵy býferlik aımaqta pozıtsııalaryn alǵan 1974 jylǵy kelisimnen keıin birinshi ret boldy. Izraıl armııasy buǵan deıin de bul aımaqqa birneshe ret kirgen.
Izraıl qorǵanys kúshteri býferlik aımaqqa áskerler ornalastyrýdyń ýaqytsha shara ekenin, biraq oqıǵaǵa baılanysty olar bul jerde uzaq ýaqyt qalýy múmkin ekenin aıtty. Áskerıler Sırııadaǵy jaǵdaı rettelmeıinshe sonda qalatynyn jetkizdi.
Izraıl HAMAS tutqyndaryn bosatý boıynsha jańa usynys ázirlegenin jazǵan bolatynbyz.
Golan bıiktigi jaıly ne bilemiz?
Sırııa prezıdenti Bashar Asad jeksenbi kúni Damaskiden belgisiz baǵytqa ushyp ketti. Sırııadaǵy adam quqyqtaryn baqylaý ortalyǵy onyń senbi kúni keshki saǵat onda qaladan shyqqanyn habarlady.