Izraıl Sırııa teńiz flotyn joıǵanyn jarııalady
ASTANA. KAZINFORM – Izraıl «strategııalyq qaýipterdi joıý» keń aýqymdy naýqanynyń bir bóligi retinde Sırııanyń áskerı-teńiz kúshterin zymyranmen joıdy. Bul týraly Haıfadaǵy áskerı-teńiz kúshteri bazasyna barǵan evreı memleketiniń qorǵanys mınıstri Israel Kats málimdedi, dep habarlaıdy Euronews.
Bul rette Izraıl óz áskeriniń Damaskige qaraı ilgerilep jatqanyn joqqa shyǵaryp, onyń maqsaty shekarany qorǵaý jáne qarý-jaraqtyń sodyrlardyń qolyna túsýine jol bermeý ekenin málimdedi.
Keıingi kúnderi el astanasy Damask pen Latakııa porty Izraıl áýe shabýyldarynyń nysanasyna aınaldy.
«Sırııadaǵy adam quqyqtarynyń saqtalýyn baqylaý ortalyǵy (OSDH)» úkimettik emes uıymynyń málimetinshe, Bashar Asad jeksenbi kúni qashqannan beri Izraıl 300-den astam áýe shabýylyn jasady.
Buǵan deıin Izraıl premer-mınıstri Bınıamın Netanıahý sot aldynda 2016 jyly jasalǵan sybaılas jemqorlyq deregine qatysty kýálik etip jatqanyn jazǵan bolatynbyz.