Izraıl Sırııa áskerine qarsy soqqy jasady
ASTANA. QazAqparat - Izraıl avıatsııasy Golan shyńynyń evreı memleketiniń baqylaýyndaǵy bóligine jasalǵan ondaǵan snarıadqa jaýap retinde Sırııanyń úkimettik áskerine qarsy soqqy jasady, dep habarlaıdy QazAqparat RIA agenttigine silteme jasap.
Kórshi memleket aýmaǵynan jasalǵan soqqylardy áskerıler oq-dárilerdiń kezdeısoq ushyrylýy dep tanydy, alaıda, ony «ızraıl egemendigin jol berilmeýi tıis buzýshylyq» dep atady.
Málimdemede atap ótilgendeı, snarıadtar Kýneıtra aımaǵynda júrip jatqan úkimettik áskerdiń sırııalyq oppozıtsııamen qaqtyǵysy kezinde «shekara» syzyǵynan asyp túsken.
Izraıl tarapynan zardap shekkender joq. Avıasoqqylardyń qurbany sırııalyq eki áskerı qyzmetshi boldy.
Sońǵy jyldary Izraıldiń áskerı-áýe kúshteri Sırııanyń úkimettik armııasyna qarsy birneshe soqqy jasaǵan bolatyn. Ol soqqylar ár kezde Izraıl aýmaǵyna túsken bombalarǵa jaýap retinde jasalyp otyrdy. Mundaı sońǵy oqıǵaǵa ústimizdegi jyldyń sáýirinde boldy.
Sırııa men Izarıl arasyndaǵy shekaranyń uzyndyǵy 80 shaqyrymǵa jýyqty quraıdy. Eki el arasynda osy kúnge deıin dıplomatııalyq qarym-qatynas qalyptaspaǵan.
