Izraıl shekeli keıingi 8 jyldaǵy eń tómengi kórsetkishke tústi

Dúısenbi kúngi saýda-sattyqta Izraıl shekeliniń kýrsy dollarǵa qatysty keıingi 7,5 jyldaǵy eń tómengi kórsetkishke tústi. Sarapshylardyń pikirinshe, Izraıl valıýtasy baǵasynyń ózgerýine keıingi jaǵdaılar men geosaıası qaýip-qater sebep bolǵan. Kazinform bul týraly EurAsia Daily basylymyna silteme jasap habarlaıdy. 

Máskeý ýaqytymen 9:32-degi jaǵdaı boıynsha, shekeldiń dollarǵa qatysy 1,79%, bir dollarǵa 3,9075 deıin arzandady. Saýda-sattyq jabylatyn kezde Izraıl valıýtasy 3,8388 shekelden satylyp jatty.

2023 jyldyń 9 qazanyna deıingi kórsetkish boıynsha kýrs sońǵy ret 2016 jyldyń aqpanynda 3,923 shekelge tómendegen bolatyn.

EADaily habarlaýynsha, dúısenbi kúni Izraıl Ortalyq banki Palestınamen janjal ýshyqqan kezde ulttyq naryqty qoldaý úshin 30 mlrd dollar shetel valıýtasyn satqanyn rastady.