Izraıl shabýylynan Gaza sektorynda qaza tapqandar sany 72 myńnan asty
ASTANA. KAZINFORM – Izraıl armııasynyń Gaza sektoryna jasaǵan shabýyldary saldarynan qaza tapqandar sany 72 773 adamǵa jetti, dep habarlaıdy Anadolu.
Izraıl áskeri 2025 jylǵy 10 qazanda kúshine engen atysty toqtatý týraly kelisimge qaramastan, Palestına anklavyna shabýyldaryn jalǵastyryp jatyr.
Gaza sektoryndaǵy Densaýlyq saqtaý mınıstrliginiń málimetinshe, sońǵy bir táýlikte aýrýhanalarǵa 1 qaza tapqan adamnyń máıiti men 16 jaraly jetkizilgen.
Vedomstvo deregine sáıkes, 2025 jylǵy 10 qazannan beri Izraıl shabýyldary saldarynan qaza tapqandar sany 881 adamǵa jetken. Osy kezeńde 2621 adam jaralanǵan.
Sonymen qatar úıindi astynan 776 adamnyń denesi shyǵarylǵan.
2023 jyldyń qazan aıynan beri jalǵasyp jatqan shabýyldardan jaralanǵandardyń jalpy sany 172 723 adamǵa jetti.
Gaza sektoryndaǵy qıraǵan ǵımarattardyń astynda áli de myńdaǵan adamnyń máıiti jatqany málim bolǵan.
Aıta keteıik, Gazada Izraıl soqqysynan HAMAS komandıri qaza tapqany habarlandy.
