Izraıl shabýyly: Gazada bir kúnde 40-tan astam palestınalyq qaza tapty
ASTANA. KAZINFORM — Izraıldiń Gaza sektoryna jasaǵan áýe soqqylarynan sońǵy táýlikte qaza tapqandar sany 44-ke jetti, dep habarlaıdy TASS.
Eń kóp qurban bolǵandar Nýseırat jáne El-Breıdj bosqyndar lagerinde tirkeldi. Onda 18 adam qaza taýyp, 50-den astamy jaralandy. Barlyǵy ál-Aýda aýrýhanasyna jetkizildi.
Sońǵy 24 saǵat ishinde Izraıl kúshteri anklavtaǵy 100-ge jýyq nysanaǵa shabýyl jasady. Han-ıÝnıs pen Rafahtyń ońtústik aımaqtary qarqyndy áýe shabýyldary men atqylaýǵa ushyrady. Onda radıkal HAMAS qozǵalysynyń sodyrlary atysty toqtatý rejımin buzdy.
Buǵan deıin Palestına Densaýlyq saqtaý mınıstrligi 10 qazanda atysty toqtatý kelisimi kúshine engennen beri Gaza sektorynda 51 adam qaza taýyp, 150-den astam adam jaralanǵanyn habarlaǵan bolatyn. Gaza bıligi Izraıldi 8 kún ishinde atysty toqtatý kelisimin 47 ret buzdy dep aıyptady.
Buǵan deıin Izraıl Gaza sektorynyń soltústigine áýeden shabýyl jasady.