Izraıl: seriktes kompanııa qyzmetkeri HAMAS quramynda bolǵan

ASTANA. KAZINFORM — Izraıl bıligi Gaza sektorynda qaza tapqan qyzmetker Germanııanyń ZDF telearnasynyń seriktesi, HAMAS uıymynyń múshesi bolǵanyn málimdedi, dep habarlaıdy Bild.

Izraıl tarapy ZDF telearnasyna 19 qazanda Gaza sektorynda kóz jumǵan PMP qyzmetkeriniń terrorıstik HAMAS uıymyna qatysy bar ekenin dáleldeıtin qujattardy usynǵan.

Buǵan deıin Izraıl armııasynyń PMP nysanyna jasaǵan soqqysy saldarynan kompanııanyń bir qyzmetkeri men bir bala qaza tapqan edi. Osydan keıin ZDF bas redaktory Bettına Shaýsten jýrnalısterge jasalǵan shabýyldardy «jumys kezinde jol berýge bolmaıtyn áreket» dep ataǵan bolatyn.

Alaıda Izraıl áskeri qaza tapqan Ahmed As‘ad Muhammed Abý Materdiń HAMAS-tyń radıkaldy qanatynda vzvod komandıri bolǵanyn jáne onyń naqty nysanaǵa alynyp joıylǵanyn habarlady.

ZDF telearnasy Abý Materdiń HAMAS-qa qatysyn rastaıtyn qujattardy alǵanyn málimdep, PMP kompanııasymen seriktestikti ýaqytsha toqtatty.

Injener Abý Mater 2013 jyldan beri PMP kompanııasynda jumys istep, telearnaǵa Gaza sektorynan beınematerıaldar men jańalyqtar jetkizip kelgen. Osylaısha, ZDF telearnasy ıslamshyl toptyń áskerı qurylymyna qatysy bar adammen is júzinde yntymaqtastyq ornatqan bolyp shyqty.

Aıta keteıik, buǵan deıin Izraıl armııasy Batys jaǵalaýda 21 palestınalyqty ustaǵan bolatyn.