Izraıl salǵan qyrǵyn: Gaza sektoryndaǵy shabýyldardan qaza tapqandar sany artty
ASTANA. KAZINFORM – 2023 jylǵy qazan aıynan beri Izraıl áskeriniń Gaza sektoryna jasaǵan shabýyldary saldarynan qaza tapqandar sany 72 551 adamǵa jetti, al jaralanǵandar sany 172 274 adamǵa deıin ósti, dep habarlaıdy Anadolý agenttigi.
Palestınalyq anklavqa jasalyp jatqan shabýyldar 2025 jylǵy 10 qazanda jasalǵan atysty toqtatý týraly kelisimge qaramastan jalǵasyp keledi.
Gaza sektoryndaǵy densaýlyq saqtaý mınıstrliginiń málimetinshe, sońǵy 24 saǵat ishinde aýrýhanalarǵa eki adamnyń máıiti jetkizilgen. Olardyń biri buǵan deıin Izraıl shabýyly kezinde alǵan jaraqattarynyń saldarynan kóz jumǵan.
2025 jylǵy 10 qazannan beri Izraıldiń Gazaǵa jasaǵan shabýyldary nátıjesinde 775 adam qaza taýyp, 2 171 adam jaralanǵan.
Al qıraǵan ǵımarattardyń úıindileri astynda myńdaǵan adamnyń denesi qalyp otyrǵany aıtylyp jatyr.
Eske sala ketsek, bıyl,y aqpan aıynda Izraıldiń Gaza sektoryna áýe shabýyldaryn qaıta bastaǵanyn jazdyq.
