Izraıl ravvıni otbasy tatýlyǵyndaǵy qulaqtyń mańyzy týraly aıtty
«Men bul jerge eń qasıetti qala Ierýsalımnen kelip turmyn. Bizdiń din neni oqytady? Iýdeı dininiń negizderiniń biri - shalom, ıaǵnı beıbitshilik. Beıbitshilik adamzat ómiriniń bir negizi, beıbitshilik - Qudaıdyń esimderiniń biri», - deıdi ol.
Itshak Iosef nekeni buzý protsesine jıi qatysatynyn aıtady.
«Ártúrli jaǵdaılar bolyp jatady. Zańnamamyzǵa sáıkes, barlyq taraptardy tyńdaı bilýimiz kerek. Onyń ornyna biz taraptardy tatýlastyrýǵa májbúrleımiz. Solaısha, otbasynyń buzylýyna jol bermeýge tyrysamyz. Tájirıbeme súıene otyryp sóıler bolsam, urystyń bári - taraptardyń birin-biri tyńdaǵysy kelmeýi sebebinen týyndaıdy. Al taraptar bir-biriniń sózin tyńdaýǵa bar-joǵy bir sát bólse ǵana bári ózgerip shyǵa keledi», - deıdi ol.
Izraıldik dindardyń aıtýyna qaraǵanda, dál osy sebepten ıýdaızm eń aldymen, estý organyna barynsha mán beredi.
«Iýdeı zańy boıynsha árbir dene jaraqatynyń ózindik quny bar. ıAǵnı, bet nemese ózge de múshe jaralansa, onyń belgili bir baǵasy belgilengen. Biraq, bizde qulaqqa túsirgen jaraqat úshin kináli adam eń joǵarǵy qundy tóleıdi. Onyń quny - kisini óltirgenmen birdeı. ıAǵnı, adam estimeıtindeı jaǵdaıda qalsa - onda ol óli adammen birdeı bolyp qalady», - deıdi I.Iosef.
Ravvınniń aıtýynsha, Qazaqstan Prezıdentiniń osydan 15 jyl buryn bastaǵan seziniń mańyzy asa zor.
«Qaqtyǵys barysynda ártúrli adamnyń oı-pikirleri de ártúrli. Mine, sondyqtan, Nursultan Nazarbaev bárimizdi bir ústeldiń basyna jınap, biregeı múmkindik berip otyr. Endigi jaýapkershilik bizde. Konstrýktıvti dıalogty jasaı otyryp, ózgege úlgi bola bilýimiz kerek», - dep túıdi ravvın.
