Izraıl prezıdenti Nursultan Nazarbaevtyń tezirek jazylyp ketýin tileıdi
NUR-SULTAN. QazAqparat – Izraıl prezıdenti Reýven Rıvlın Qazaqstannyń Tuńǵysh Prezıdenti Nursultan Nazarbaevtyń tezirek saýyǵyp ketýin tileıdi, dep habarlaıdy QazAqparat Rıvlınniń Twitter paraqshasyna silteme jasap.
«Qazaqstannyń Tuńǵysh Prezıdenti – Nursultan Nazarbaevtyń tezirek jazylyp ketýin tileımin. Bizdiń eki el keremet qarym-qatynasty jalǵastyryp keledi», - dep jazdy Reývan Rıvlın.
Buryn habarlaǵanymyzdaı, beısenbi kúni Elbasynyń koronavırýsqa tapsyrǵan PTR-testi onyń naýqas ekenin anyqtady . Qazaqstannyń Tuńǵysh Prezıdenti Nursultan Nazarbaev ózin-ózi oqshaýlap jatyr.
QR Tuńǵysh Prezıdenti - Elbasynyń baspasóz hatshysy Aıdos Úkibaı Nursultan Nazarbaevtyń densaýlyǵyn medıtsına qyzmetkerleri baqylap otyrǵanyn habarlady . Onyń aıtýynsha, alańdaýǵa negiz joq.
Elbasy zamanaýı kommýnıkatsııa quraldaryn paıdalanyp qashyqtan jumys istep jatyr.
