Izraıl prezıdenti Netanıahýǵa raqymshylyq jasaý múmkindigi týraly aıtty

ASTANA.KAZINFORM - Bınıamın Netanıahýǵa qatysty sot protsesi ishki shıelenis faktory bolyp qala beredi, dep habarlaıdy Kazinform agenttiginiń menshikti tilshisi.

Izraıl prezıdenti Itshak Gertsog dúısenbi kúni sybaılas jemqorlyqqa qatysty úsh aıyp taǵylǵan premer-mınıstr Benıamın Netanıahýǵa keshirim berý múmkindigi týraly aıtty.

Bul málimdeme Izraıl armııasynyń radıosyna bergen suhbatynda aıtyldy.

- Netanıahý isi Izraıl qoǵamyna aýyr júk. Eger ótinish nemese tússe men ony barynsha ashyq etip oryndaımyn jáne memlekettiń múddesi úshin bárin jasaımyn, - dedi Gertsog.

Netanıahý Izraıl tarıhynda qyzmet babynda sot aldynda turǵan alǵashqy premer-mınıstr.

Oǵan qatysty úsh negizgi is qozǵaldy. Olardyń biri kásipkerlerden qymbat syılyqtar alýǵa qatysty bolsa, endigisi jaǵymdy habar taratqan jaǵdaıda básekelesterdiń múmkindigin shekteý týraly BAQ ıelerimen kelisim bolyp otyr. Sondaı-aq oǵanjaǵymdy aqparatt úshin telekommýnıkatsııa kompanııalarynyń múddesin qorǵaýmen baılanysty, «Bezeq-Walla isi» retinde belgili is boıynsha aıyp taǵylǵan.

Alǵashqy eki jaǵdaıda Netanıahý alaıaqtyq jáne senimge qııanat jasady, al úshinshisinde para aldy dep aıyptalǵan.

Izraıl premer-mınıstriniń ózi barlyq aıyptardy úzildi-kesildi joqqa shyǵarady.

Onyń aıtýynsha, bunyń barlyǵy ony qyzmetinen ketirý úshin polıtsııa men prokýrorlar uıymdastyrǵan «saıası tóńkeris».

Іs boıynsha tyńdaýlar Tel-Avıvte 2024 jyldyń jeltoqsan aıynan bastap aptasyna eki ret ótkizilip keledi. Sot olardyń jıiligin arttyrýdy buıyrdy, al qarasha aıynan bastap taraptardyń jaýaptary men tanystyrýlary protsesti jedeldetý úshin aptasyna úsh ret ótkiziletin bolady.

Sot protsesi birneshe ret toqtatyldy. Tyńdaýlar premer-mınıstrdiń aımaqtyq qyzmetine baılanysty qaýipsizdik máselelerine, sondaı-aq densaýlyǵyna baılanysty keıinge qaldyryldy.

Shilde aıynda qorǵaýshy tarap Netanıahýdyń taǵamnan ýlanýyna baılanysty tyńdaýlardy keıinge qaldyrýdy suraǵan. Aıdyń sońyndaǵy eki tyńdaý toqtatyldy, al sot jazǵy demalystan keıin ǵana qaıta jalǵasty.

-Bul ister júıege aýyrtpalyq túsiredi ári onyń jumysyn báseńdetedi, - dedi prezıdent Gertsog.

Buǵan deıin Netanıahý HAMAS múshelerine raqymshylyq jasalýy múmkin ekenin málimdedi.

 

Al aldaǵy dúısenbide Netanıahý Aq úıde AQSh prezıdenti Donald Tramppen kezdesip, Gaza sektoryn retteý josparyn talqylaıdy.