Talǵarda kishkentaı qyzdy urlap, kisi óltirgen adam 25 jylǵa sottaldy
QONAEV. KAZINFORM – Almaty oblysynyń qylmystyq ister jónindegi mamandandyrylǵan aýdanaralyq sotynda Talǵar aýdanynda bolǵan atyshýly iske qatysty sot úkimi shyqty.
Sot úkimi boıynsha basty aıyptalýshy 25 jylǵa bas bostandyǵynan aıyryldy. Qalǵan eki sottalýshynyń árqaısysyna 9 jyldan bas bostandyǵynan aıyrý jazasy taǵaıyndaldy. Advokat Jandos Palmanov jábirlenýshi taraptyń azamattyq talap-aryzy ishinara qanaǵattandyrylǵanyn jáne olardyń apellıatsııalyq sotqa júginetinin atap ótti.
- Jábirlenýshi tarap basty aıyptalýshyǵa shyǵarylǵan úkimdi tym jeńil dep sanaıdy. Biz apellıatsııalyq tártippen shaǵym túsiremiz, — dedi advokat.
Eske salaıyq, Talǵarda 2025 jylǵy 6 qyrkúıekte jantúrshigerlik qylmys boldy: beıtanys adam er kisini atyp, kishkentaı qyzdy alyp qashyp ketken edi. Tergeý málimetinshe, kúdikti men kishkentaı qyzdyń anasy buryn jaqyn qarym-qatynasta bolǵan. Aralarynda janjal shyǵyp, er adam áıeldiń aǵasyn myltyqpen atyp tastaǵan. Ol alǵan jaraqatynan sol jerde kóz jumǵan.
Keıin polıtsııanyń arnaıy jasaǵy qyzdy bosatyp, kúdiktini ustady. Artynsha jaraqat alǵan kishkentaı qyzǵa ota jasaldy.
2025 jyldyń 17 qarashasynda is sotqa joldandy. Al 4 jeltoqsanda Qaskeleń qalasynda aldyn ala sot otyrysy ótip, tóraǵalyq etýshi sýdıa sheshimimen sot jabyq rejımde ótetinin boldy.
Talǵardaǵy oqıǵa boıynsha polıtsııa qyzmetkerleriniń áreketsizdigine baılanysty is qozǵaldy. Qandy oqıǵanyń aldyn almaǵan polıtseılerdiń isi sotta qaralyp jatyr.
