Izraıl premer-mınıstri Nıý-Iorkke barýdy josparlap otyr

NЬıÝ-IORK. KAZINFORM — AQSh-tyń Demokratııalyq partııasynan qalalyq mer qyzmetine úmitker Zohran Mamdanı Halyqaralyq qylmystyq sot (HQS) shyǵarǵan orderge súıene otyryp, Bınıamın Netanıahýdy qamaýǵa alýǵa ýáde etken, dep jazady Anadolu. 

— Men Nıý-Iorkke prezıdent Tramppen birge baramyn, — dedi Netanıahý Mamdanı málimdemesine jaýap retinde.

Janynda turǵan Donald Tramp ızraıldik úkimet basshysyn qoldady. Aq úı basshysy saılaýdaǵy jeńis táýelsiz sheshim qabyldaýǵa kepil emes ekenin eske saldy.

— Oǵan báribir aqsha kerek bolady. Bári Aq úı arqyly iske asady. Sondyqtan ózin durys ustaǵany jón, áıtpese qıyn bolady, — dedi Tramp.

Buǵan deıin Mamdanı Demokratııalyq partııanyń aldyn ala saılaýynda jeńiske jetip, Nıý-Iork merin saılaý jarysyna qatysatyny belgili bolǵan. Saılaý 4 qarashada ótedi. Eger jeńiske jetse, ol qala tarıhyndaǵy musylman dinindegi jáne Ońtústik Azııadan shyqqan alǵashqy mer atanýy múmkin.

2024 jylǵy telebaǵdarlamalardyń birinde Mamdanı eger mer bolsa, Netanıahýdy qamaýǵa alatynyn aıtqan.

— Nıý-Iork — halyqaralyq quqyq qundylyqtaryn qoldaıtyn qala. Endi osy qundylyqtarǵa saı áreket etetin ýaqyt jetti, — degen ol.

AQSh HQS-tyń múshesi emes ekenin eske salǵandarǵa Mamdanı federaldyq deńgeıde jetispeıtin kóshbasshylyqty jergilikti deńgeıde kórsetý mańyzdy ekenin aıtqan.

Aıta keteıik, mamyr aıynda Halyqaralyq qylmystyq sot Izraıl premer-mınıstri Bınıamın Netanıahý men eldiń qorǵanys mınıstrine qamaýǵa alý týraly order shyǵarǵan. Olar Gaza sektorynda áskerı qylmystar jasady dep aıyptalyp otyr. Alaıda Izraıl men AQSh HQS-tyń ıýrısdıktsııasyn moıyndamaıdy.

Aıta keteıik, buǵan deıin AQSh-ta Netanıahýdyń saparyna qarsy narazylyq aktsııasy ótkenin jazdyq.