Izraıl premer-mınıstri: barlyq tutqyn tiri ne óli bolsyn qaıtarylady
ASTANA. KAZINFORM – Izraıl bıligi tutqyndardy qaıtarý úshin qarqyndy kelissózder júrgizip jatyr. Bul týraly Anadoly habarlady.
Izraıl bıligi Gazadaǵy ızraıldik tutqyndardy qaıtarý máselesine qatysty «qarqyndy kelissózder» júrgizip jatyr.
Bul týraly Izraıl premer-mınıstri Bınıamın Netanıahý eldiń atysty toqtatý kelisimin buzyp, Gaza sektoryna jappaı shabýyldardy qaıta bastaǵannan keıingi qoǵamdyq qysym aıasynda málimdedi.
Aıta keterligi, Netanıahý keńsesi kelissózder barysyna qatysty túsinikteme bergennen keıin HAMAS deldaldar usynǵan jańa atysty toqtatý jáne tutqyn almasý jónindegi usynysty qarastyryp jatqanyn habarlady.
Maariv gazetiniń habarlaýynsha, Netanıahý Gazada tutqynda otyrǵan úsh ızraıldik sarbazdyń analaryna telefon soqqan. Premer-mınıstr sarbazdardy qaıtarý úshin qazirgi ýaqytta qarqyndy kelissózder júrip jatqanyn aıtyp, barlyq tutqynnyń «tiri bolsyn, óli bolsyn» qaıtarylatynyna sendirdi.
HAMAS ókilderi halyqaralyq araaǵaıyndar bergen usynystyń qaralý ústinde ekenin, oǵan qatysty keńester jalǵasyp jatqanyn jáne jaýap jaqyn arada beriletinin málimdedi.
Palestınalyq qozǵalys sondaı-aq atysty toqtatý týraly jańa usynys mátininde aıtylǵan qarýsyzdaný ıdeıasyn úzildi-kesildi qabyldamaıtynyn jetkizdi.
— Qarýly qarsylyq, bul bizdiń qyzyl syzyǵymyz. Ony tapsyrý týraly sóz de bolmaýy tıis, — dedi uıym jetekshileriniń biri Samı Abý Zýhrı Al Jazeera telearnasyna bergen suhbatynda.
Aıta ketelik Netanıahý Gazadaǵy 10 ızraıldik tutqyndy bosatýǵa nıetti.