Izraıl premeri BAPOR qyzmetine tyıym salý týraly zańyn dereý oryndaýdy buıyrdy
ASTANA. KAZINFORM — Birikken Ulttar Uıymynyń Taıaý Shyǵystaǵy palestınalyq bosqyndarǵa kómek kórsetý jáne jumysty uıymdastyrý jónindegi agenttiginiń Izraıldegi qyzmetine tyıym salatyn zańdy Knesset (parlament) qabyldady, dep habarlaıdy TASS.
Izraıl premer-mınıstri Bınıamın Netanıahý Izraıl aýmaǵynda BAPOR qyzmetine tyıym salatyn zańnyń dereý oryndalýyn buıyrdy. Bul týraly Premer-Mınıstrdiń keńsesi habarlady.
— Netanıahý Knesset qabyldaǵan BAPOR týraly zańnyń dereý oryndalýyn buıyrdy, — delingen habarlamada.
Keńse «premer-mınıstrdiń tapsyrmasyn oryndaýǵa eshqandaı shekteý joq» ekenin atap ótti.
Eske sala ketsek, ótken jyldyń qazan aıynda Izraılde Birikken ulttar uıymynyń Taıaý Shyǵys elderine kómek kórsetetin BAPOR jumysyna tyıym salatyn qarar qabyldandy.
Qujatqa sáıkes, BUU-nyń palestınalyq bosqyndar jónindegi agenttigine nemese UNRWA-ǵa Izraılde «kez kelgen jumys» júrgizýge nemese qandaı da bir qyzmet kórsetýge tyıym salynady. Izraıl bıligine BAPOR-men kez kelgen baılanys ornatýǵa tyıym salynady.