Izraıl premeriniń ıti Hanýka merekesinde qonaqtardy tistep aldy
ASTANA. QazAqparat - Iýdeılik Hanýka merekesiniń qurmetine ótken sharada Kaııa atty Bınıamın Netanıahýdyń ıti belgisiz sebeptermen ızraıldik SІM basshysy orynbasarynyń zaıybyn, sondaı-aq el parlamentiniń depýtatyn tistep aldy. Degenmen veterınarlyq dáriger dúrligetin, alańdaıtyn eshteńe joq ekenin atap ótti.
Reuters agenttiginiń derekterine qaraǵanda, bıylǵy jyly osy oqıǵanyń aldynda Netanıahýdyń uly janýarlar úıinen aralas tuqym ıtin asyrap alǵan. Tamyzda premer Twitter mıkroblogyna ıtti jaqsy kóretinderdi janýarlar úıinen eresek ıtterdi asyrap alýǵa shaqyrǵan. «Ókinbeısizder!», - dep jazdy Netanıahý. Kaııanyń bul joǵary laýazymdy adammen alǵashqy kezdesýi emes. Ol AQSh memlekettik hatshysy Djon Kerrıdi de kórgen, dep habarlaıdy gazeta.ru.
